పార్కింగ్ లాట్ లో.. ఎంత ఘాటు ముద్దో!

గ్లోబల్ సుందరి ప్రియాంక చోప్రా అమెరికన్ సింగర్ నిక్ జోనాస్ ను మనువాడి అమెరికాలో కాపురం పెట్టేసిన సంగతి తెలిసిందే. ఈ హంగామా అంతా గత ఏడాది జరిగిపోయింది. ఈమధ్య ప్రియాంక ప్రెగ్నెన్సీపై జోరుగా వార్తలు వచ్చాయి. జనాలు నమ్మేలోపలే అదంతా తూచ్ అన్నారు. సరే.. ప్రియాంక ఒకవేళ నిజంగా గర్భవతి అయితే అదేమీ దాచిపెట్టే విషయం కాదు కదా. త్వరలోనే తెలిసిపోతుంది.

ఈ ప్రెగ్నెన్సీ రూమర్లు పక్కన పెడితే రీసెంట్ గా నిక్ జోనాస్ - ప్రియాంక జంట మరోసారి వార్తల్లోకి వచ్చారు. ఈసారి కారణం వేరేది. బెవర్లీ హిల్స్ లో ఒక పెద్ద బంగళాలో ప్రియాంక.. నిక్ లు నివాసం ఉంటున్నారు. వాళ్ళు ఈమధ్య బెవర్లీ హిల్స్ ఏరియాలోనే ఒక పార్కింగ్ లాట్ లో ఒక ఘాటు ముద్దులో మునిగిపోయారు. కొత్త జంట కదా.. చుట్టూ ఉన్న జనాలు ఉంటె ఉంటే ఉంటారు లేకపోతే పోతారు అనుకున్నారేమోగానీ అధర చుంబనంలోనే మాధుర్యాన్ని అనుభవిస్తూ తన్మయత్వంలోకి జారుకున్నారు. కానీ చూసేవాళ్ళు తన్మయత్వంలోకి జారుకోకుండా తక్షణమే తమ ఫోన్ కెమెరా తో ఆ క్షణాన్ని బంధించారు.

ఆ ఫోటో ఇప్పుడు సోషల్ మీడియాను షేక్ చేస్తోంది. అయినా నిక్కుగారు మరీ సరసుడు.. రసికుడు కాకపోతే అంతపెద్ద బంగాళా పెట్టుకుని.. పార్కింగ్ లాట్లో ఈ పనులేంటో. అసలే సంప్రదాయాలు ఎక్కువగా పాటించే ఇండియన్ ఫ్యామిలీకి అల్లుడైన విషయం గుర్తులేదేమో.