వీడియో: ఇస్మార్ట్ గాళ్ చాకిరేవులే

బెంగళూరు బ్యూటీ నిధి అగర్వాల్ ట్యాలెంట్ గురించి తెలిసిందే. ఆరంగేట్రమే అక్కినేని హీరోలు నాగచైతన్య, అఖిల్ సరసన నటించింది. ప్రస్తుతం రామ్ సరసన పూరి జగన్నాథ్ దర్శకత్వంలో రూపొందుతున్న `ఇస్మార్ట్ శంకర్` చిత్రంలో నటిస్తోంది. తొలి రెండు సినిమాలు ఆశించిన విజయాలు అందుకోకపోయినా నిధిలోని ఎనర్జీకి, డ్యాన్సింగ్ స్కిల్స్ కి పేరొచ్చింది. అందుకే పూరి ఏరికోరి రామ్ లాంటి ఎనర్జిటిక్ డ్యాన్సర్ సరసన నాయికగా ఎంపిక చేశాడు. ప్రస్తుతం ఇస్మార్ట్ శంకర్ చిత్రీకరణ స్వింగులో ఉంది. ఆన్ లొకేషన్ వ్యవహారాల్ని నిర్మాత ఛార్మి ఎప్పటికప్పుడు లైవ్ గా ఫోటోల రూపంలో రివీల్ చేస్తున్న సంగతి తెలిసిందే.

మరోవైపు నిధి అగర్వాల్ ముంబై పరిశ్రమలోనూ హాట్ టాపిక్ గా మారుతోంది. అక్కడ రెగ్యులర్ గా ఫ్యాషన్ ఈవెంట్లకు అటెండవుతూ తన ఉనికికి ఏమాత్రం భంగం లేకుండా చూసుకుంటోంది. టాలీవుడ్ టు బాలీవుడ్ కాంటాక్ట్స్ మెయింటెయిన్ చేయడంలోనూ నిధి యమ స్పీడ్ గానే ఉంది. బాలీవుడ్ లో టైగర్ ష్రాఫ్ లాంటి యువహీరో తో స్నేహం, అండదండలు నిధికి ఉన్నాయి. ఇక నిధి అగర్వాల్ తెలుగు పరిశ్రమతో పాటు ఇతర పరిశ్రమల్లోనూ వేగం పెంచే ఆలోచనలో ఉందిట.

అందుకే బాడీని పెర్ఫెక్ట్ షేపప్ తో మెయింటెయిన్ చేస్తోంది. అలాగే డ్యాన్సుల్లో తన స్కిల్ ని మరింత మెరుగుపరుచుకుంటోందిట. లేటెస్టుగా ముంబైలోని ఓ డ్యాన్స్ స్టూడియోలో నిధి డ్యాన్సులు ప్రాక్టీస్ చేస్తున్న వీడియోని మానవ్ మంగ్లానీ సామాజిక మాధ్యమాల్లో షేర్ చేశాడు. ఈ డ్యాన్సుల్లో కొత్తదనం ఏదీ లేకపోయినా.. నిధిలోని ఎనర్జీ.. గ్రేసు ఆకర్షిస్తోంది. నిధికి డ్యాన్సింగ్ పై ఉన్న లవ్ ఎలివేట్ అవుతోంది. ఇస్మార్ట్ శంకర్ నిధి టాలీవుడ్ కెరీర్ కి ఎంతో ఇంపార్టెంట్. ఈ సినిమా సక్సెస్ సాధిస్తే మరిన్ని అవకాశాలు అందుకోవడం ఖాయం.

వీడియో కోసం క్లిక్ చేయండి