ఫోటో స్టొరీ: ఆరెంజ్ డ్రస్సులో ఓ రేంజ్ అందాలు

అక్కినేని హీరోలు నాగ చైతన్యతో 'సవ్యసాచి' లోనూ.. అఖిల్ తో 'Mr. మజ్ను' లోనూ ఆడిపాడిన భామ నిధి అగర్వాల్. రెండు సినిమాలపై రిలీజ్ కు ముందు మంచి అంచనాలే ఉన్నప్పటికీ ఎందుకో రెండూ బాక్స్ ఆఫీస్ దగ్గర నిరాశపరిచాయి. అయితే నిధికి లక్కు గట్టిగా ఉందేమో కానీ 'ఇస్మార్ట్ శంకర్' రూపంలో మరో అవకాశం వచ్చింది. త్వరలో రిలీజ్ కానున్న ఈ సినిమాలో రామ్ తో రొమాన్సు చేస్తోంది ఈ భామ.

'ఇస్మార్ట్ శంకర్' చిత్రానికి పూరి జగన్నాధ్ దర్శకుడనే విషయం తెలిసిందే. హీరోయిన్లను గ్లామరస్ గా చూపించడంలో ఆయన బీకాం ఫిజిక్సులు గట్రా చేసినట్టు టాలీవుడ్ లో ఒక టాక్ ఉంది. అసలు అందాల భామలను తన సినిమాలకు ఎంచుకోవడంలో కూడా ఆయన నేర్పు చూపిస్తాడు. కాల్విన్ క్లెయిన్ బ్యూటీ దిశా పటానిని వెండి తెరకు పరిచయం చేసిన ఘనుడు ఆయన. అందుకే ఈ సినిమా తనకు మంచి బ్రేక్ ఇస్తుందని నమ్మకంగా ఉందట నిధి. ఆ నమ్మకంతోనే ఒంపుల వయ్యారాలను సోకుల సింగారాలను మాల్దీవ్స్ లోని అందమైన బీచ్ లోకేషన్స్ లో పాటల చిత్రీకరణ సందర్భంగా వడ్డించిందట. మీరు పైన చూస్తున్న ఫోటో గ్లామరసం చిందిస్తున్న సమయంలో తీసినదే.

ఆరెంజ్ కలర్ లో ఉన్న టాప్.. మినీ స్కర్ట్ ధరించి తెల్లటి ఇసుక బీచ్ లో.. పచ్చటి కొబ్బరి చెట్ల నేపథ్యంలో నిలబడి..రెండు చేతులూ అలా అడ్డంగా పెట్టి నవ్వుతూ పోజిచ్చింది. ఎంత ఇస్మార్ట్ శంకర్ అయినా ఈ దెబ్బకు ఢమాల్ అయిపోవాల్సిందే. ఈ సినిమాలో పాటలకు ఇప్పటికే మంచి రెస్పాన్స్ వచ్చింది. ఆ పాటలకు ఈ అందాల నిధులు తోడైతే దేత్తడి పోచమ్మ గుడే!