పవన్ కళ్యాణ్ సినిమాలో నిధి అగర్వాల్..!

పవర్‌స్టార్ పవన్ కళ్యాణ్.. డైరెక్టర్ క్రిష్ దర్శకత్వంలో 27వ సినిమా చేస్తున్న సంగతి తెలిసిందే. అయితే మొన్నటి వరకు ఈ సినిమాలో హీరోయిన్ ఎవరినేది కన్ఫర్మ్ కాలేదు. ఈ చిత్రబృందం ఎప్పటినుండో కథానాయికల కోసం వెతుకుతూనే ఉన్నారు. మధ్యలో బాలీవుడ్ యాక్ట్రెస్ జాక్వెలిన్ ఫెర్నాండెజ్.. ఇలియానా తదితరుల పేర్లు ఫైనల్ అయినట్లు వార్తలు వచ్చినప్పటికి సినిమా దర్శకనిర్మాతలు ఈ పుకార్ల పై స్పందించలేదు. తాజా సమాచారం ప్రకారం.. ఈ సినిమాలో ఇద్దరు ప్రధాన హీరోయిన్లకు అవకాశం ఉందట. అందులో ఒక క్యారెక్టర్ కోసం బాలీవుడ్ బ్యూటీ జాక్వెలిన్ ఫెర్నాండెజ్ ఓకే అవ్వగా.. మరో క్యారెక్టర్ కోసం ఇస్మార్ట్ నిధిని ఫైనల్ చేసినట్లు తెలుస్తుంది. అయితే చాలామంది పేర్లు పరిశీలించిన తర్వాత డైరెక్టర్ నిధి అగర్వాల్ పేరు ఖరారు చేసినట్లు సమాచారం. అంతేగాక నిధి అగర్వాల్ కూడా ఆల్రెడీ ప్రాజెక్ట్ పై సంతకం చేసిందని టాక్ నడుస్తుంది.

పవన్ కళ్యాణ్ ఇటీవలే ‘వకీల్ సాబ్’ సినిమా షూటింగ్ ముగించి వెంటనే పేరు కన్ఫర్మ్ చేయని ఈ సినిమా షూటింగ్ లో పాల్గొన్నాడు. సంక్రాంతికి ముందు ఒక షెడ్యూల్ పూర్తి చేసుకున్న ఈ హిస్టోరికల్ సినిమా.. ఇప్పుడు మరో షెడ్యూల్ పూర్తి చేయడానికి చిత్రబృందం రెడీ అవుతోంది. ఇక ప్రస్తుతం క్రిష్ హీరోయిన్లను కన్ఫర్మ్ చేసినట్లేనట. అతిత్వరలో జాక్వెలిన్ ఫెర్నాండెజ్, నిధి అగర్వాల్ సెట్లలో చేరనున్నారు. ఈ సినిమాను భారీ బడ్జెట్ తో ఏఎం రత్నం నిర్మిస్తున్నారు. అయితే ఈ సినిమా కథ మొఘలుల కాలంలో జరిగిన సంఘటనల ఆధారంగా రూపొందిస్తున్నారు. కోహినూర్ వజ్రం చుట్టూ కథ తిరుగుతుందని.. ఇక పవన్ కళ్యాణ్ ఈ సినిమాలో బంధీపోటుగా కనిపిస్తాడని ఇదివరకే ప్రకటించారు. ఇదిలా ఉండగా పవన్ కళ్యాణ్.. ఈ సినిమాతో పాటు అయ్యప్పనుమ్ కోషియం అనే రీమేక్ సినిమాలో కూడా నటిస్తున్నాడు. త్రివిక్రమ్ స్క్రిప్ట్ అందించిన ఆ సినిమాను సాగర్ చంద్ర డైరెక్ట్ చేస్తున్నాడు.