ర‌వితేజ ప‌క్క‌న సూట్ అవ్వుద్దా?

`ఇస్మార్ట్ శంకర్‌` బ్యూటీస్‌ నభా నటేష్‌.. నిధి అగర్వాల్ ఆర‌బోత స్కిల్ గురించి చెప్పాల్సిన ప‌నే లేదు. ఇస్మార్ట్ అందాల ప్రదర్శన.. ఎనర్జిటిక్ న‌ట‌న‌తో భామ‌లిద్ద‌రూ మెస్మరైజ్‌ చేశారు. ఆ సినిమా బాక్సాఫీసు వద్ద బ్లాక్‌ బస్టర్ గా నిలవడం లో రామ్ ఎన‌ర్జీతో పాటు ఈ ఇద్దరు భామల గ్లామ‌ర్ ప్ల‌స్ అయ్యింది. అయితే న‌భా ముందు నిధి తేలిపోయింద‌న్న కామెంట్లు వినిపించాయి. దాంతో నిధి కెరీర్ ప‌రంగా కొంత వెన‌క‌బ‌డిన మాట వాస్త‌వం.

ఇస్మార్ట్ బ్లాక్ బ‌స్ట‌ర్ త‌ర్వాత వచ్చిన ఏ ఆఫర్ నీ వదులుకోకుండా ఓకే చేస్తూ ఆ భామ‌లిద్ద‌రూ స్పీడ్ పెంచారు. నభా నటేష్‌ తెలుగులో బ్యాక్‌ టూ బ్యాక్‌ ఆఫర్స్ ని చేజిక్కించుకుంటుంటే.. నిధి అగర్వాల్‌ మాత్రం తెలుగుతో పాటు తమిళం.. కన్నడలో కూడా ఎంట్రీ ఇచ్చింది. ప్రస్తుతం ఆమె అశోక్‌ గల్లా హీరోగా పరిచయం అవుతున్న సినిమాలో కథానాయికగా ఎంపికైంది. శరవేగంగా ఈ సినిమా చిత్రీకరణ జరుపుకుంటోంది. మరోవైపు తమిళంలోకి ఈ భామ ఎంట్రీ ఇచ్చింది. జయం రవి సరసన `భూమి` అనే చిత్రంలో కథానాయికగా ఎంపికైంది. ఇందులో ఆమె బలమైన పాత్రే దక్కిందట. కన్నడలో 'జేమ్స్' అనే సినిమాలో హీరోయిన్ గా ఆడిపాడబోతోంది.

తాజాగా తెలుగులో నిధికి మరో బంపర్‌ ఆఫర్‌ వరించింద‌ని తెలుస్తోంది. మాస్‌ మహారాజా రవితేజ సరసన ఆడిపాడే ఛాన్స్ ని కొట్టేసింది. రవితేజ ప్రస్తుతం 'క్రాక్‌' చిత్రంలో నటిస్తున్నారు. శృతి హాసన్‌ రీఎంట్రీ ఇస్తున్న చిత్రమిది. రియల్‌ ఇన్సిడెంట్స్ ఆధారంగా యాక్షన్‌ థ్రిల్లర్ గా రూపొందుతున్న ఈ సినిమా మేలో సమ్మర్‌ స్పెషల్ గా విడుద‌ల కానుంది. దీంతోపాటు 'రాక్షసుడు' ఫేమ్‌ రమేష్‌ వర్మ దర్శకత్వంలో ర‌వితేజ మ‌రో సినిమా చేయనున్నారు. ఇందులో హీరోయిన్ గా నిధి అగర్వాల్ ని ఫైనలైజ్‌ చేశారట. రవితేజ ఇందులో ద్విపాత్రాభినయం చేయనున్నాడని.. ఒక పాత్రకి నిధి జోడిగా ఉంటే.. మరో పాత్రకి మరో హీరోయిన్ ని ఎంపిక చేయనున్నట్టు తెలుస్తోంది. అదంతా స‌రే కానీ ఇస్మార్ట్ బ్యూటీ నిధి అగ‌ర్వాల్ .. ఏజ్డ్ ప‌ర్స‌నాలిటీ ర‌వితేజ స‌ర‌స‌న సెట్ట‌వుతుందా? మ‌రీ కుర్ర‌బ్యూటీ సెట్ట‌వ్వ‌దేమో! అంటూ ఫ్యాన్స్ సోష‌ల్ మీడియాల్లో కామెంట్లు చేస్తున్నారు. రాజా సీనియారిటీకి త‌గ్గ భామ‌నే వెతుక్కోకుండా ఇలా ఇస్మార్ట్ బ్యూటీస్ వెంట ప‌డ‌డం స‌రైన‌దేనా? అన్న సెటైర్లు ప‌డుతున్నాయ్. మ‌రి ర‌మేష్ వ‌ర్మ అండ్ టీమ్ మ‌రోమారు ఆలోచిస్తుందేమో చూడాలి.