ఇస్మార్ట్‌ అందాల నిధి దాన్ని ఎక్కువ నమ్ముతుందట!

ఇస్మార్ట్‌ బ్యూటీ నిధి అగర్వాల్‌ హీరోయిన్ గా తమిళంతో పాటు తెలుగులో కూడా చాలా సినిమాల్లో నటించింది. కానీ ఇప్పటి వరకు ఈ అమ్మడు స్టార్‌ హీరోయిన్‌ గా గుర్తింపు దక్కించుకోలేక పోయింది. అంతే కాకుండా హీరోయిన్‌ గా వరుసగా ఆఫర్లను దక్కించుకోలేక పోతుంది.

ప్రస్తుతం పవన్ కళ్యాణ్ తో హరి హర వీరమల్లు సినిమాలో నటిస్తుంది. అయినా కూడా ఈమెకు తెలుగు లో స్టార్‌ హీరోలకు జోడీగా ఆఫర్లు రావడం లేదు. హరి హర వీరమల్లు సినిమా విడుదల అయ్యి భారీ విజయం సాధిస్తే అయినా నిధి అగర్వాల్ కు తెలుగు లో ఆఫర్లు వస్తాయేమో చూడాలి.

తాజాగా నిధి అగర్వాల్‌ ఒకానొక సందర్భంగా అదృష్టం గురించి ఆసక్తికర వ్యాఖ్యలు చేసింది. సినిమా రంగంలో రాణించాలి అంటే అందం ప్రతిభతో పాటు అదృష్టం కూడా ఉండాలి. అదృష్టం అనేది లేకపోతే ఎవరికి ఏది కలిసి రాదు. సినిమా రంగంలో అదృష్టం అనేది అత్యంత కీలకం. కొన్ని కథలు వినడానికి అద్భుతంగా ఉంటాయి. కానీ సినిమా వేరే విధంగా వస్తుంది.

విన్నప్పుడు.. పేపర్ పై ఉన్నప్పుడు కథలు సుమారుగా అనిపిస్తాయి. కానీ సినిమా గా వచ్చి భారీ విజయాలను సొంతం చేసుకుంటాయి. అందుకు కారణం 90 శాతం అదృష్టమే అంటూ నేను భావిస్తాను అంటూ నిధి అగర్వాల్‌ చెప్పుకొచ్చింది. తనకు అదృష్టం కలిసి రావడం లేదు అన్నట్లుగా ఆమె అభిప్రాయం వ్యక్తం చేసింది.

కథలను పూర్తి స్వేచ్చ గా ఎంపిక చేసుకునే స్థాయికి నేను చేరుకోలేదు అన్నట్లుగా కూడా నిధి అగర్వాల్‌ చెప్పుకొచ్చింది. డాన్స్ కు ఆస్కారం ఉన్న పాత్రల్లో నటించాలని తాను కోరుకుంటున్నట్లుగా పేర్కొంది. ఇప్పటి వరకు పలు భాషల్లో నటించినా కూడా అన్నీ ఒకే తరహా పాత్రలను తాను చేసినట్లుగా ఆమె చెప్పింది. కమర్షియల్‌ సినిమాల్లో నటిస్తున్న కారణం గా ప్రతి పాత్ర కూడా ఒకేలా ఉంటుందని ఆమె చెప్పింది.


నోట్ : మీ ఫీడ్ బ్యాక్ మాకు ముఖ్యం. క్రింద కామెంట్ బాక్స్ లో కామెంట్ చేయండి. మా కంటెంట్ నచ్చినా చెప్పండి. నచ్చకపోయినా చెప్పండి. హుందాగా స్పందించండి. abuse వద్దు.