#నైట్ పార్టీ చిలౌట్.. రౌడీ గుంపులో చ‌క్క‌న‌మ్మ‌లు చేరారు! అసలేం జ‌రుగుతోంది?

రౌడీ విజ‌య్ దేవ‌ర‌కొండ ఏం చేసినా సంథింగ్ స్పెష‌ల్ గానే ఉంటుంది. ఇదిగో తాజాగా రివీలైన‌ ఈ ఫోటోనే అందుకు ప్ర‌త్య‌క్ష సాక్ష్యం. నిర్మాత‌లు పూరి-ఛార్మి బృందంతో క‌లిసి దేవ‌ర‌కొండ లైగ‌ర్ చిత్రీక‌ర‌ణ కోసం ముంబైలో ఉన్న సంగ‌తి తెలిసిందే. వీళ్ల‌తో అన‌న్య పాండే కూడా షూటింగులో పాల్గొంటోంది. అందుకు సంబంధించిన ఫోటోలు ఇంత‌కుముందు వైర‌ల్ అయ్యాయి.

రౌడీ స‌ర‌స‌న లైగ‌ర్ షూటింగ్ లో పాల్గొంటోంది కాబ‌ట్టి అన‌న్య అక్క‌డ ఉంది స‌రే.. కానీ ఇంత‌లోనే మ‌రో ఇద్ద‌రు భామ‌లు ప్ర‌త్య‌క్ష‌మై బిగ్ షాకిచ్చారు. ఆ ఇద్ద‌రు అస‌లు అక్క‌డికి ఎందుకు వ‌చ్చారో కానీ...! అంటూ ఇప్పుడు రౌడీ ఫ్యాన్స్ లో ఒక‌టే డిబేట్ మొద‌లైపోయింది.

ఆస‌క్తిక‌ర విష‌యం ఏమంటే ఆ ఇద్ద‌రూ రౌడీ దేవ‌ర‌కొండ‌కు వీరాభిమానులు. అందాల క‌థానాయిక కియ‌రా అద్వాణీ.. న‌ట‌వార‌సురాలు సారా అలీఖాన్ ఇరువురూ అత‌డంటే ప‌డి చ‌స్తున్నారు. కియ‌రా ఇంత‌కుముందు మెబాజ్ యాడ్ షూట్ లో దేవ‌ర‌కొండ‌తో క‌లిసి ప‌ని చేసింది. సారాకు లైగ‌ర్ లో ఆఫ‌ర్ వ‌చ్చినా త‌న బిజీ షెడ్యూల్స్ వ‌ల్ల చేయ‌లేదు. కానీ ఆ ఇద్ద‌రూ ఇప్ప‌టికీ దేవ‌ర‌కొండ‌ను విడిచిపెట్ట‌డం లేదు. తాజా ఫోటో ప్రూఫ్ చూశాక‌.. విజయ్ దేవరకొండ బాలీవుడ్ అందగ‌త్తెలతో గట్టిగానే పార్టీలు చేసుకుంటున్నాడ‌ని అర్థ‌మ‌వుతోంది.

లైగ‌ర్ షూటింగ్ కంటే ఆన్ లొకేష‌న్ ఈ గుంపు మీటింగులే ఎక్కువ హైలైట్ అవుతున్నాయి. సెట్లో పూరి కూడా ఎంత‌గా చిలౌట్ చేస్తున్నారో చూస్తున్నారు క‌దా! లైగ‌ర్ ఈ ఏడాది సెప్టెంబర్ ‌లో విడుదల కావాలంటే ఇలా పార్టీల‌తో కాల‌క్షేపం చేస్తే కుద‌ర‌దు! అంటూ రౌడీ ఫ్యాన్స్ సీరియ‌స్ అవుతున్నారు. ఇక ఈ మీటింగులో బాలీవుడ్ టాప్ డిజైనర్ మనీష్ మల్హోత్రా ఉన్నారు. ఆస‌క్తిక‌రంగా ఆయ‌న‌ నివాసంలోనే వీళ్లంతా క‌లుసుకున్నార‌ట‌. అక్క‌డికి క‌ర‌ణ్ జోహార్ వ‌చ్చి వెళ్లారు. ఇది నైట్ జ‌రిగిన పార్టీ. ఈ పార్టీలో రకుల్ ప్రీత్ సింగ్- అనన్య పాండే కూడా ఉన్నారు.