ప్రేమికుల రోజున నిహారిక వెడ్డింగ్ డిటైల్స్

మెగా బ్రదర్ నాగబాబు చిత్ర పరిశ్రమలో అంతగా బిజీ కాకపోయినప్పటికీ ఆయన వారసులు మాత్రం చాలా బిజీగా మారుతున్నారు. హీరోగా వరుణ్ తేజ్ ఇప్పటికే తన వరకు మంచి గుర్తింపు తెచ్చుకున్నాడు. ఇక కూతురు నిహారిక కొణిదెల కూడా తనదైన శైలిలో ఓ లిమిట్ లో మంచి హీరోయిన్ గా కొనసాగుతుంది. మెగా ఫ్యామిలీ కి ఏ మాత్రం మచ్చ తేకుండా ఒక లెవెల్లో సింపుల్ అండ్ బ్యూటిఫుల్ కథానాయిక పాత్రలను చేస్తోంది.

ఇక అసలు విషయానికి వస్తే యూవీ క్రియేషన్స్ సమర్పణలో నిహారిక ఒక సినిమాను చేస్తోన్న సంగతి తెలిసిందే. ప్రముఖ ప్రొడ్యూసర్ యం.ఎస్ రాజు కుమారుడు సుమంత్ అశ్విన్ అందులో కథానాయకుడిగా కనిపించనున్నాడు. అయితే హ్యాపీ వెడ్డింగ్ అనే ఫ్యామిలీ స్టోరీ ఫైనల్ గా షూటింగ్ ని పూర్తి చేసుకుంది. లక్షణ్ కార్య ఈ సినిమాకు దర్శకత్వం వహిస్తుండగా శక్తి కాంత్ సంగీతం అందిస్తున్నాడు.

అయితే షూటింగ్ పూర్తవ్వడంతో చిత్ర యూనిట్ ప్రమోషన్స్ ని పెంచాలని అనుకుంటోంది. ముందుగా ఒక సాఫ్ట్ ఫస్ట్ లుక్ ని రిలీజ్ చేసేందుకు సిద్దమవవుతున్నారు. ఫిబ్రవరి 14న సినిమా ఫస్ట్ లుక్ ని రిలీజ్ చేయాలనీ దర్శక నిర్మాతలు ఫిక్స్ అయ్యారు. ప్రస్తుతం సినిమాపై అంచనాలు పెద్దగా లేవు. ఫస్ట్ లుక్ తోనే అందరిని చిత్రం అందరిని ఆకర్షిస్తుందని చిత్ర యూనిట్ నమ్మకంగా ఉంది. మరి సినిమా విడుదల తరువాత ఏ స్థాయిలో హిట్ అవుతుందో చూడాలి.