మాల్ దీవ్స్ ఫర్ హనీమూన్ అంటున్న మెగా డాటర్!!

మెగా డాటర్ నిహారిక నిశ్చితార్థం దగ్గర నుండి పెళ్లి వరకు.. ఇప్పుడు పెళ్లి తర్వాత నుండి హనీమూన్ వరకు వార్తలలో నిలుస్తూనే ఉంది నిహారిక - చైతన్యల జంట. ఇప్పటి నుండి నిహారిక ఇంటిపేరు కొణిదెల కాదేమో.. జొన్నలగడ్డ నిహారిక అని పిలవాలి కాబోలు. ఇక ఎంగేజిమెంట్, పెళ్లి వేడుకలతో సోషల్ మీడియాలో హల్చల్ చేస్తున్న ఈ నూతన దంపతులు త్వరలో హనీమూన్ కి బయలుదేరనున్నారట. అది కూడా ఎక్కడికో కాదు.. ఈ మధ్య సినీ సెలబ్రిటీలంతా ఆ స్పాట్ చుట్టే తిరుగుతున్నారు. ఈ నెల 9న రాజస్థాన్‌ లోని ఉదయ్‌పూర్‌లో గల ఉదయ్‌విలాస్‌ ప్యాలెస్‌ లో నిహారిక మ్యారేజ్ అంగరంగ వైభవంగా జరిగింది. ఈ మెగా డాటర్ వివాహ వేడుకకు మెగా ఫ్యామిలీ హీరోలంతా హాజరై సందడి చేశారు.

ప్రస్తుతం నిహారిక పెళ్లి ముగిసింది కాబట్టి మరి హనీమూన్ ఎక్కడ అనే చర్చలు నడుస్తున్నాయి. ఇక ఈ జంట సెలబ్రిటీలకు స్పెషల్ స్పాట్ అయిన మాల్దీవులకు నిహారిక - చైతన్యలు వెళ్ళబోతున్నారు. పెళ్లి తర్వాత నూతన దంపతులు కుటుంబ సమేతంగా తిరుమల శ్రీవారిని దర్శించుకుని స్వామివారి ఆశీస్సులు అందుకున్నారు. ఇటీవల మెట్టినింట్లో తొలిసారి కాలుమోపిన నిహారిక తొలిసారి భర్తతో కలిసి బర్త్‌డే జరుపుకుంది. ‘నీ రాకతో నా జీవితంలో కొత్త వెలుగులు ప్రసరించాయి. నిహారిక నా జీవితానికి సన్ ఫ్లవర్’ అంటూ నిహారికకు చైతన్య స్పెషల్ గ్రీటింగ్స్ తెలియజేసాడు. ఆల్రెడీ నిహారిక మాల్దీవ్స్ లోని ది గ్రాండ్ పార్క్ కొద్దీపర్రు హోటల్లో స్టే చేయనున్నట్లు సమాచారం. మొత్తానికి కాజల్ దంపతులు చూపిన హనీమూన్ బాటలో టాలీవుడ్ జంటలన్నీ ఒక్కొక్కరుగా వెళుతున్నారు. ఇప్పటికే సామ్ చై దంపతులు, రకుల్.. ఇలా వేకెషన్ చేసి వచ్చారు. హ్యాపీ వేకెషన్ అంటూ నెట్టింట విష్ చేస్తున్నారు మెగా ఫ్యాన్స్.