రూమర్లపై క్లారిటి ఇచ్చిన నీహారిక

మెగాడాటర్ నీహారిక తెరంగేట్రానికి సర్వం సిద్ధం చేసుకుంది. ఒక మనసుతో టాలీవుడ్ ప్రేక్షకుల ముందుకు వచ్చేస్తోంది. ఇందుకు ముహూర్తం కూడా ఫిక్స్ అయిందని నీహారిక స్వయంగా చెప్పేసింది. ఈ నెల 24న థియేటర్లలో కలుసుకుందాం అంటూ అభిమానులతో ముచ్చట్లాడింది నీహారిక. చిరంజీవి బ్లడ్ బ్యాంక్ లో జరిగిన ఓ కార్యక్రమంలో లేడీ ఫ్యాన్స్ ను కలిసిన నీహారిక.. రిలీజ్ డేట్ విషయంలో ఉన్న అపోహలను తొలగించింది.

ఇక్కడే మరో విషయంపై కూడా స్పష్టత వచ్చేస్తోంది. ఒక మనసు ట్రైలర్ రిలీజ్ ముందు నుంచి.. ఇప్పటివరకూ ఓ విషయంపై మాత్రం రూపర్స్ బాగా చక్కర్లు కొడుతున్నాయి. షూటింగ్ అంతా పూర్తి చేసుకున్నాక.. అసలు యూనిట్ వైపు కన్నెత్తి చూడ్డం లేదని అంటున్నారు. డబ్బింగ్ కు మాత్రం అసలు సహరించడం లేదనే టాక్ ఉంది. ట్రైలర్ విషయంలో కూడా వేరే డబ్బింగ్ ఆర్టిస్టుతో నీహారికకు వాయిస్ ఇప్పించే ప్రయత్నాలు జరిగాయనే వాదన కూడా ఉంది. అప్పుడు ఆఖరి నిమిషంలో డబ్బింగ్ చెప్పిన నీహారిక.. ఇప్పుడు సినిమా విషయంలో అదే స్ట్రాటజీని ఫాలో అయిపోతోందని.. ఇంకా తన పాత్రకు డబ్బింగ్ చెప్పలేదనే విమర్శలున్నాయి.

ఇప్పుడు తనే స్వయంగా రిలీజ్ డేట్ పై క్లారిటీ ఇచ్చేసిందంటే.. ఒక మనసు కు సంబంధించిన పనులన్నీ ఇప్పటికే పూర్తయ్యాయని అర్ధం చేసుకోవచ్చు. నీహారిక యాటిట్యూడ్ పై.. కావాలనే ఇలాంటి ప్రచారం జరుగుతోందట. ఇంకా ఒక సినిమా కూడా రిలీజ్ కాకుండానే.. అప్పుడే నీహారికపై అన్ని రూమర్లా అనుకుంటున్నారు సినీ జనాలు.