మెగా డాటర్‌ పూజ ఓవర్!!

మెగా డాటర్‌ కొణిదెల నిహారిక ఇక అఫీషియల్‌ గా వెండితెరమీద తెరంగేట్రం చేయడానికి రంగం సిద్దమైంది. నిన్న జరిగిన పూజా కార్యక్రమంతో ఆమె హీరోయిన్ గా నటిస్తున్న తొలి సినిమా 'ఒక మనస్సు' షూటింగ్‌ కు ముహూర్తం క్లాప్‌ కొట్టనట్లే. ఇదంతా సరే.. మరి నిహారిక కోసం మెగా బ్లెస్సింగ్సు ఎక్కడ?

ఇదే విషయాన్ని యునిట్‌ సభ్యులను ప్రశ్నిస్తే.. ఒక ఇంట్రెస్టింగ్‌ న్యూస్‌ చెప్పారు. ఒకవేళ ఇప్పుడు ఇలా ముహూర్తం ఫంక్షన్‌ కే మెగా బ్యాచ్‌ అందరినీ ఇన్వయిట్ చేసేస్తే.. రేపు ఆడియో లాంచ్‌ కు ఎలా? అందుకే అందరినీ ఆడియో లాంచ్‌ రోజున పిలిచి హీరోయిన్ ను బ్లెస్‌ చేయమని చెబుదాం అంటూ ఈ సినిమా మేకర్లు మెగా బ్రదర్‌ నాగబాబును కన్విన్స్‌ చేశారట. నిజానికి మెగా హీరోలందరూ ఏదో ఒక పనితో బిజీగా ఉన్నా.. మెగాస్టార్‌ ఎలాగో ఖాళీగానే ఉన్నారు కాబట్టి.. మీరు డేట్ చెప్పండి నేను ఎప్పుడైనా వెంటనే వచ్చేస్తే అంటూ ఈ సినిమా టీమ్‌ కు చిరు కూడా మాటిచ్చారట. సో.. మెగా బ్లెస్సింగ్స్‌ ఇవ్వలేదు అంటూ వస్తున్న వార్తలను నమ్మొద్దని నిర్మాత మధుర శ్రీధర్‌ అండ్ కో చెబుతున్నారు.

నాగ శౌర్య హీరోగా రూపొందుతున్న ఈ సినిమాను అవార్డు విన్నింగ్‌ డైరక్టర్‌ రామ రాజు రూపొందిస్తున్నారు. టివి 9 ఛానల్‌ వారు కూడా ఈ సినిమా నిర్మాణంలో ఒక పార్టనర్‌. డిసెంబర్‌ 1 నుండి రెగ్యులర్‌ షూటింగ్‌ చేస్తారని తెలుస్తోంది.