నీహారిక హీరో రూమర్స్.. ఫుల్ స్టాప్

టాలీవుడ్ హీరోయిన్ గా వెలిగిపోవాన్నది మెగా డాటర్ నీహారిక కోరిక. అందుకే పట్టుబట్టి మరీ.. మెగాస్టార్ తో సహా ఫ్యామిలీలో అందరినీ ఒప్పించి ఎట్టకేలకు హీరోయిన్ అయింది. ఒక మనసు అనే రొమాంటిక్ మూవీతో ప్రేక్షకులను పలకరించింది. రిజల్ట్ పరంగా ఈ సినిమా నిరాశపరచడం నీహారికకు కొంత షాక్ అని చెప్పాల్సిందే. అయితే.. ఈ మూవీలో మెగా డాటర్ యాక్టింగ్ స్కిల్స్ కి మాత్రం మంచి మార్కులే పడ్డాయి.

నీహారికకు ప్రస్తుతం అవకాశాలకు ఏం కొదువ లేదు. అయితే.. మెగా ఫ్యాన్స్ ని హర్ట్ చేయకుండా ఉండే సబ్జెక్టులు మాత్రమే ఎంచుకోవాలన్నది ఈమె కోరిక. ఇప్పటికే నీహారిక కోసం రెండు స్టోరీలను ఓకే చేసేశారట తండ్రి నాగబాబు. ఇవి కాకుండా మరో సినిమాను ఇప్పుడు ఫైనల్ చేశారని తెలుస్తోంది. కార్తిక్ అనే డెబ్యూ డైరెక్టర్ ఈ మూవీ తీయనుండగా.. హీరోగా పెళ్లి చూపులు ఫేమ్ విజయ్ దేవరకొండ నటించనున్నాడు. ఇప్పటికే స్టోరీ డిస్కషన్స్ పూర్తయిపోగా.. ప్రాజెక్టు కూడా ఫైనల్ అయిపోయిందని టాక్. మొన్నటివరకు హీరో దొరక్క నిహారిక సినిమా ఫైనల్ కాలేదనే రూమర్లు వినిపించాయి. ఇప్పుడు విజయ్ దేవరకొండ ఒప్పేసుకున్నాడు కాబట్టి.. ఇక ఆ రూమర్లకు ఫుల్ స్టాప్ పడినట్లే.

పూర్తి స్థాయి కామెడీ లవ్ స్టోరీగా దీన్ని మలచనున్నాడు దర్శకుడు. ప్రీ ప్రొడక్షన్ పనులు జరుగుతుండగా.. ఇక సినిమాకి సంబంధించిన అనౌన్స్ మెంట్ మాత్రమే చేయాల్సి ఉంది. ఒకసారి అనౌన్స్ చేశాక.. ఫుల్ స్పీడ్ లో సినిమాని తెరకెక్కించేలా షెడ్యూల్స్ రూపొందించారట. మూడు నాలుగు నెలల్లోనే సినిమా పూర్తి చేసేస్తారని తెలుస్తోంది. కొత్త ఏడాది ప్రారంభంలోనే మరోసారి ప్రేక్షకులను నీహారిక పలకరించడం ఖాయంగా కనిపిస్తోంది.