మెగా డాటర్ కి బ్రాండ్ అంబాసిడర్ ఎవరంటే

మెగా ఫ్యామిలీ నుంచి వచ్చే హీరోలందరికీ మెగాస్టార్ చిరంజీవినే బ్రాండ్ అంబాసిడర్ గా చెప్పాలి. ఆయన రోడ్డేస్తే.. మేం ఏసీ కారు తోలుకుంటున్నామంటూ ఓపెన్ గానే చెప్పేస్తున్నారు మెగా హీరోలు. ఇది నిజమే కూడా. ఇప్పుడు నాగబాబు కూతురు నీహారిక కూడా సినీ అరంగేట్రం చేస్తోంది.

ఒక మనసు చిత్రంతో నాగశౌర్యకు హీరోయిన్ గా టాలీవుడ్ కు పరిచయం అవుతోంది. ఇప్పటికే ఈ సినిమాకి సంబంధించిన పనులన్నీ పూర్తయిపోయినట్లు తెలుస్తోంది. త్వరలో మెగా డాటర్ ఒక మనసు చిత్రానికి ఆడియో రిలీజ్ వేడుక గ్రాండ్ గా జరిపేందుకు నిర్మాతలు ప్లాన్ చేసుకుంటున్నారు. మరి మెగా డాటర్ ను ప్రమోట్ చేసేది ఎవరనే ప్రశ్న తలెత్తుతోంది. ఆశ్చర్యకరంగా ఈ బాధ్యతను మెగాస్టార్ తనయుడు రామ్ చరణ్ టేకప్ చేయనున్నాడని తెలుస్తోంది. నిజానికి నీహారిక కోరికపైనే సినిమాల్లో ప్రవేశించేందుకు ఆ ఫ్యామిలీ అంగీకరించింది.

అయితే.. ఈ మూవీకి రీసెంట్ గా రిలీజ్ అయిన ఫస్ట్ లుక్ - టీజర్స్ చూశాక.. రామ్ చరణ్ స్టన్ అయ్యాడట. స్క్రీన్ పై తన సిస్టర్ చాలా బాగుందని.. పెద్ద హీరోయిన్ అయే స్కోప్ ఉందని రామ్ చరణ్ భావిస్తున్నాడట. అందుకే తన సోదరి చిత్రానికి దగ్గరుండి ప్రమోషన్స్ చేయాలని భావిస్తున్నాడట రామ్ చరణ్. త్వరలో ఆడియో రిలీజ్ నిర్ణయించాక మిగిలిన విషయాలను అధికారికంగా వెల్లడించే అవకాశాలు ఉన్నాయి.