మెగా డాటర్ నెక్స్ట్ స్టెప్ ఏంటి?

నిన్న విడుదలైన మెగా డాటర్ నీహారిక సూర్యకాంతం డివైడ్ టాక్ మధ్య హిట్ స్టాంప్ వేయించుకోవడం కష్టం అనే దిశగానే పరుగులు పెడుతోంది. వెబ్ సిరీస్ లో మంచి టాలెంట్ చూపించిన దర్శకుడు ప్రణీత్ బ్రహ్మాండపల్లి సిల్వర్ స్క్రీన్ కు వచ్చేటప్పటికి తడబడటంతో ఆశించిన ఫలితం దక్కే అవకాశం కనిపించడం లేదు. నీహారిక దీని మీద ప్రమోషన్ ఇంటర్వ్యూలలో చాలా కాన్ఫిడెంట్ గా కనిపించింది. పెద్దగా పోటీ లేని ప్రస్తుత తరుణంలో నిజంగానే ఇది మంచి ఛాన్స్.

కంటెంట్ బాగుంది అనే టాక్ వస్తే రెండో రోజో మూడో రోజో పికప్ అయిపోయి ఆపై స్టాండర్డ్ గా నిలబడే ఛాన్స్ ఉంటుంది. కాని సూర్యకాంతం విషయంలో అలా జరిగే అవకాశాలు లేవని ట్రేడ్ మాట. ఇంకో రెండు మూడు రోజులో ఆగితే వసూళ్ళను బట్టి పూర్తి క్లారిటీ వచ్చేస్తుంది

ఇప్పటిదాకా నీహారిక చేసిన సినిమాలు మూడు. ఒక మనసు కాంప్లిమెంట్స్ ఇచ్చింది కాని డబ్బులు తేలేదు. హ్యాపీ వెడ్డింగ్ వెనుక పెద్ద బ్యానర్ ఉన్నా ఏదీ కాపాడలేకపోయింది. ఇక ఇప్పుడు సూర్యకాంతం వంతు. అటు తమిళ్ లో గత ఏడాది విజయ్ సేతుపతి హీరోగా ఓ మూవీ చేస్తే అదీ డిజాస్టర్ అయ్యింది. ఫాంటసీ బ్యాక్ డ్రాప్ లో రూపొందిన ఆ సినిమాను కనీసం తెలుగులో డబ్ కూడా చేయలేనంత పరజాయం పాలైంది.

సో నీహారిక నెక్స్ట్ స్టెప్ ఏంటి అనేది ఆసక్తికరంగా మారింది. ఈ మధ్య పదే పదే చెబుతున్నట్టు పెళ్లి వైపు అడుగులు వేస్తుందా లేదా ఇదొక ఛాలెంజ్ గా తీసుకుని కథల విషయంలో శ్రద్ధ వహించి ఇంకో సినిమాకు గ్రీన్ సిగ్నల్ ఇస్తుందా వేచి చూడాలి. చూస్తుంటే సినిమాల కన్నా వెబ్ సిరీస్ లే బాగా కలిసివచ్చినట్టు ఉన్నాయి