'పీకూ' రీమేక్‌ కోసం అమ్మడు రెడీ?

ఇప్పుడు మెగా డాటర్‌ నిహారిక కొణిదెల ఫోకస్‌ అంతా కూడా.. ''ఒక మనసు'' సినిమా ప్రమోషన్ల మీదనే ఉంది. ఎట్టకేలకు హీరో నాగ శౌర్య కూడా.. తన పంతం వీడిపోయి ఈరోజు నుండి సినిమాను ప్రమోట్‌ చేస్తున్నాడు. అయితే ఈ సినిమా రిజల్టు ఎలా ఉన్నా కూడా.. తన తదుపరి సినిమా కోసం మాంచి ఏర్పాట్లే చేసుకుంటోంది ఈ యంగ్ లేడి.

నిజానికి ''పీకూ'' సినిమా తెలుగు రీమేక్ లో వెంకటేష్‌ అండ్ నిహారిక కలసి నటిస్తారని అందరూ అనుకున్నారు. ఈ తండ్రి కూతుళ్ల పాత్రలో హిందీలో అమితాబ్‌ అండ్‌ దీపికా పదుకొనె నటించగా.. అమితాబ్‌ కు ఉత్తమ నటుడుగా నేషనల్ అవార్డు కూడా వచ్చింది. ఈ సినిమా తెలుగు రీమేక్‌ విషయంలో మాత్రం ఎప్పటినుండో క్లారిటీ రావట్లేదు. ఇప్పుడిక నిహారిక ఒక సినిమాతో ప్రూవ్‌ చేసుకుంది కాబట్టి.. వెంకీ అండ్ నీహా కాంబినేషన్లో సినిమాను వర్కవుట్ చేస్తే బాగుంటుందని అల్లు అరవింద్‌ ఆలోచిస్తున్నారట. ఒకవేళ వెంకీకి కుదరకపోతే.. నాగార్జున ను ఎప్రోచ్ అవ్వాలని చూస్తున్నట్లు టాక్‌.

సర్లేండి బాబూ.. ముందు 'ఒక మనసు' సినిమా రిలీజయ్యి.. ఆ సినిమా హిట్టయ్యి.. అమ్మడు యాక్టింగ్‌ క్యాపబిలిటీ ప్రూవ్‌ అవ్వనివ్వండి. ఆ తరువాత పీకూ అయినా పీకే రీమేక్‌ అయినా చేసుకోవచ్చు.