మెగా డాట‌ర్ ర‌కూల్‌, రాశీనే కొట్టేసింది

టాలీవుడ్‌ లో అనునిత్యం ఎంద‌రో క‌థానాయిక‌లు ప్ర‌వేశిస్తూనే ఉన్నారు. కొంద‌రు ఇలా వ‌స్తున్నారు. అలా వెళ్తున్నారు. మ‌రికొంద‌రు ఛ‌రిష్మా ఉప‌యోగించి స్టార్‌ డ‌మ్ అందుకుంటున్నారు. అలా ఇటీవ‌లి కాలంలో కొంద‌రు తార‌లు స్టార్ హీరోయిన్ స్టాట‌స్‌ కి ఎదిగిపోయారు. వీళ్ల‌లో ర‌కూల్ ప్రీత్‌ సింగ్‌ - రెజీన‌ - రాశీ ఖ‌న్నా వంటి నాయిక‌లు ఇప్పుడు ఓ రేంజులో స్టార్‌ డ‌మ్‌ ని ఎంజాయ్ చేస్తున్నారు.

ట్యాలెంటుతో పాటు అదృష్టం ఈ భామ‌ల‌కు క‌లిసొచ్చింది. అయితే మెగా డాట‌ర్ నీహారిక డెబ్యూ గురించి ఫిలింన‌గ‌ర్‌ లో ఇంట్రెస్టింగ్ టాక్ న‌డుస్తోంది. నిహారిక మాటీవీలో యాంక‌ర్‌ గా కెరీర్ ప్రారంభించి, జ‌బ‌ర్ధ‌స్త్ స‌హా ప‌లు టీవీ షోల్లో పాపుల‌ర్ అయ్యి.. ఇప్పుడు ఏకంగా హీరోయిన్ అవుతోంది. యంగ్ హీరో నాగ‌శౌర్య స‌ర‌స‌న క‌థానాయిక‌గా న‌టిస్తోంది. మ‌ల్లెల తీరంలో సిరిమ‌ల్లె పువ్వు ఫేం రామ‌రాజు ఈ చిత్రానికి ద‌ర్శ‌క‌త్వం వ‌హిస్తున్నారు. ఇదో క్యూట్ ల‌వ్ స్టోరీ అని చెబుతున్నారు. మ‌రి ఈ చిత్రంలో న‌టిస్తున్నందుకు నీహారిక రెమ్యున‌రేష‌న్ ఎంత‌? ఈ ప్ర‌శ్న‌కు స‌మాధానం దొరికింది.

నీహారిక త‌న మొద‌టి సినిమాకే 40ల‌క్ష‌ల పారితోషికం అందుకుంటోంద‌ని చెబుతున్నారు. ఓ డెబ్యూ హీరోయిన్‌ కి ఇంత పెద్ద మొత్తం ముడుతోంది అంటే అది మెగా ప‌వ‌ర్ వ‌ల్లే సాధ్య‌మైంది. కెరీర్ ఆరంభంలో ర‌కూల్ ప్రీత్‌ - రాశీ ఖ‌న్నాల‌కు అయితే పారితోషిక‌మే లేదు. కానీ నీహారిక ఆరంభ‌మే సోనాక్షి సిన్హా లా భారీ పారితోషికం అందుకుంటోంది. అదీ సంగ‌తి.