పవన్ హీరోయిన్ బ్యాక్ టు టాలీవుడ్

నిఖిషా పటేల్.. పవన్ కళ్యాణ్ ఫ్యాన్స్ అంత సులువుగా మరిచిపోలేని పేరు. ఆ పేరు ఎత్తగానే వాళ్లకు ‘పులి’ అనే భయానక చిత్రం కళ్ల ముందు మెదులుతుంది. ఓ సినిమా ఫ్లాప్ కావడంతో హీరోయిన్ పాత్ర ఏమీ ఉండదు కానీ.. స్టార్ హీరోలతో ఓ కొత్త హీరోయిన్ చేసిన సినిమా ఫ్లాప్ అయితే తనపై ‘ఐరెన్ లెగ్’ అని ముద్ర వేసి ఇండస్ట్రీ నుంచి పంపేయడం ఇక్కడి జనాలకు అలవాటే. నిఖిషా దురదృష్టం కొద్దీ తెలుగులో ఆమె రెండో సినిమా ‘ఓం త్రీడీ’ కూడా పెద్ద డిజాస్టర్ అయింది. దీంతో మళ్లీ తెలుగు పరిశ్రమ కన్నెత్తి చూడలేదు నిఖిషా.

ఈ గ్యాప్‌ లో కన్నడలో కొన్ని అవకాశాలు అందుకుని అక్కడ బాగానే బిజీ అయింది నిఖిషా. ఈ ముంబయి భామను ఇప్పుడు మళ్లీ తెలుగులోకి తీసుకొస్తున్నారు. నిఖిషానే పెద్ద ‘లెగ్’ అని ముద్ర వేయించుంటే ఆమెను ఓ ఫ్లాప్ హీరో పక్కన హీరోయిన్‌ గా ఎంచుకోవడం విశేషం. కెరీర్ లో నిఖార్సయిన హిట్ అన్నదే లేని పూరి జగన్నాథ్ తమ్ముడు సాయిరాం శంకర్ పక్కన ఆమె జోడీగా నటించబోతోంది. ఓ కొత్త దర్శకుడు ఈ చిత్రాన్ని రూపొందించబోతున్నాడట. ఒక థ్రిల్లింగ్ క్యారెక్టర్ తో మళ్లీ తెలుగులోకి రాబోతున్నానని.. ఈ సినిమా తన కెరీర్ కు టర్నింగ్ పాయింట్ అవుతుందని చెబుతోంది నికీషా. చూద్దాం ఏమవుతుందో!