చిన్నవాడు థియేటర్లలోకి పోయేది...

కుర్ర హీరో నిఖిల్ గతేడాది వరకూ తెగ జోరు చూపించేవాడు. డిఫరెంట్ థీమ్స్.. విభిన్నమైన కాన్సెప్ట్స్ ఎంచుకుంటూ.. తెలుగు తెరపై ప్రయోగాలను ఆవిష్కరించాలని అనుకునే దర్శకులకు టార్గెట్ గా కనిపించేవాడు. కానీ గతేడాది డిసెంబర్ లో వచ్చిన శంకరాభరణం నిఖిల్ స్పీడ్ కి బ్రేక్ వేసింది. అలాగని ఇది స్పీడ్ బ్రేకర్ తప్ప.. పెద్ద అడ్డంకేమీ కాదు లెండి. తన నెక్ట్స్ పిక్చర్ తోనే అంత డిఫరెంట్ మూవీతో వచ్చేస్తున్నాడు మరి.

వీఐ ఆనంద్ దర్శకత్వంలో ఎక్కడికి పోతావు చిన్నవాడా చిత్రంలో నిఖిల్ నటిస్తుండగా.. రీసెంట్ గా రిలీజ్ అయిన ట్రైలర్ అయితే కేకలు పెట్టించేసింది. హారర్ థీమ్ తో పాటు.. ఆత్మ.. చనిపోయాక శరీరం బరువు 21 గ్రాములు తగ్గడం అంటూ.. తమ జోనర్ ఏంటో చెప్పేశారు. ఇప్పుడీ చిత్రాన్ని నవంబర్ 11న విడుదల చేసేందుకు దర్శక నిర్మాతలు సిద్ధమయ్యారు. నిఖిల్ సరసన హేభా పటేల్ - నందితా శ్వేతలు నటించిన ఈ చిత్రంలో వెన్నెల కిషోర్ పంచే నవ్వులు హైలైట్ గా నిలుస్తాయని తెలుస్తోంది.

'నా గత చిత్రాల కంటే డిఫరెంట్ గా ఉండేలా.. కొత్తగా అనిపించే ఇలాంటి స్క్రిప్ట్స్ ఎంచుకోవడానికే ఇంపార్టెన్స్ ఇస్తాను. ఎక్కడికి పోతావు చిన్నవాడా కోసం.. ఎనిమిది నెలలు షూటింగ్ చేశాం. షూటింగ్ పూర్తయ్యేవరకూ ప్రమోషన్స్ స్టార్ట్ చేయకూడదని ముందే అనుకున్నాం. ఇప్పుడు మొదలెట్టేస్తున్నాం' అంటున్నాడు నిఖిల్.

Like Us on Facebook : https://www.facebook.com/Tupakidotcom/