గుంటూరులో ఇరుక్కున్న నిఖిల్

హీరో నిఖిల్ సిద్ధార్ధ్ కు టాలీవుడ్ ఆడియన్స్ లో బోలెడంత క్రేజ్ ఉంది. ప్రతీ సినిమాతోను తనను తాను విభిన్నంగా ఆవిష్కరించుకుంటున్న తీరు.. కొత్త కొత్త జోనర్లను టచ్ చేస్తుండడం జనాలకు బాగా నచ్చేస్తున్నాయి. ఇటు జనాల్లో డిమాండ్ పెరుగుతుండడంతో.. నిఖిల్ కి ఈ మధ్య షాప్ ఓపెనింగ్స్ కూడా పెరుగుతున్నాయి.

ఇలాంటిదే ఒక ఈవెంట్ కోసం గుంటూరు చేరుకున్నాడు నిఖిల్. ఎఫ్45 ఫిట్నెస్ సెంటర్ కొత్త బ్రాంచ్ లాంఛింగ్ కోసం నిఖిల్ ను ఆహ్వానించగా.. ఈ కార్యక్రమంలో పాల్గొనేందుకు గుంటూరు వచ్చాడు నిఖిల్. కానీ అనుకోకుండా లిఫ్ట్ లో ఇరుక్కుపోయి ఇబ్బందుల పాలు కావాల్సి వచ్చింది. నిఖిల్ ప్రయాణిస్తున్న లిఫ్ట్.. సాంకేతిక సమస్యల కారణంగా సడెన్ గా ఆగిపోయింది. అయితే.. లిఫ్ట్ స్తంభించిపోవడం మినహాయిస్తే.. పెద్దగా ప్రమాదమేమీ సంభవించలేదు. విషయం తెలియడంతో.. పోలీసులు-సాంకేతిక సిబ్బంది కలిసి కొంత సమయంలోనే లిఫ్ట్ డోర్ ను బద్దలు కొట్టి మరీ నిఖిల్ ను బయటకు తీసుకొచ్చారు.

ఎలాంటి ప్రమాదం జరగకపోవడంతో ఊపిరి పీల్చుచున్నారంతా. ఈ సంఘటనపై నిఖిల్ ఇంకా రియాక్ట్ కాలేదు. అయితే పవన్ కళ్యాణ్ బర్త్ డే సందర్భంగా ఇవాళ ఉదయం మాత్రం "మీతో మేం నడుస్తాం సార్. మాకు స్ఫూర్తి మాత్రమే కాదు.. ఓ మంచి మనిషి అనేందుకు మీరు చిహ్నం. పవర్ స్టార్ మాకు స్ఫూర్తిగా నిలుస్తూనే ఉంటారు. లాంగ్ లైఫ్ టు యు" అంటూ ట్వీట్ చేశాడు నిఖిల్.