చిన్నవాడు.. రేటు పెంచేశాడా..

టాలీవుడ్ లో సంచలన విజయం నమోదు చేసిన మూవీ లేటెస్ట్ మూవీ ఎక్కడికి పోతావు చిన్నవాడా. దేశమంతా కరెన్సీ క్రైసిస్ లో ఉన్నపుడు ధైర్యంగా థియేటర్లలోకి వచ్చిన ఈ మూవీ.. అనూహ్య విజయం సాధించింది. ఇప్పటికే బ్లాక్ బస్టర్ అంచనాలున్న ఈ మూవీ.. అంతకుమించిన సక్సెస్ సాధించే అవకాశాలు కూడా ఉన్నాయని టాక్.

యంగ్ హీరో నిఖిల్.. చిన్నవాడు సక్సెస్ తర్వాత మంచి జోష్ మీద ఉన్నాడు. డిఫరెంట్ కాన్సెప్ట్ లను ఎంచుకుంటూ.. తెలుగు స్క్రీన్ కి కొత్తదనం అందించే ప్రయత్నిస్తున్న నిఖిల్ మూవీస్ పై టాలీవుడ్ లో మంచి అంచనాలే ఏర్పడుతున్నాయి. ఇప్పుడు బ్లాక్ బస్టర్ కూడా ఖాతాలో పడ్డంతో.. తన రెమ్యూనరేషన్ ను భారీగానే పెంచాడట నిఖిల్. ఇటు మార్కెట్.. అటు హిట్లు ఉండడంతో నిఖిల్ డిమాండ్స్ ను అంగీకరించక తప్పని పరిస్థితి నిర్మాతలకు ఏర్పడింది.

క్రైసిస్ లోనే బ్లాక్ బస్టర్ కొట్టగలిగిన సత్తా ఉన్న హీరోకు.. ఎక్కువ మొత్తం చెల్లించేందుకు నిర్మాతలు అంతగా ఆలోచించడం లేదని టాక్. అయితే.. కొత్త సినిమా ఏదీ ఇంకా ఫైనల్ కాలేదు కానీ.. ఈ సారి మాత్రం పెద్ద మొత్తంలో అందుకోవడం ఖాయంగా కనిపిస్తోంది మరోవైపు.. చిన్నవాడి హీరోయిన్ హేభా పటేల్ కూడా రేటు పెంచి బాగానే డిమాండ్ చేస్తుండగా.. దర్శకుడు వీఐ ఆనంద్ కు కూడా మంచి పారితోషికంతో ఆఫర్స్ వస్తుండడం చెప్పుకోవాల్సిన విషయం.

Like Us on Facebook : https://www.facebook.com/Tupakidotcom/