వద్దు అని దానికే ఫిక్స్ అయ్యాడు

ఆచి తూచి సబ్జక్ట్స్ ఎంచుకోవడంలో తనకంటూ ప్రత్యేకమైన టేస్ట్ ఏర్పరుచుకున్న హీరోలలో నిఖిల్ ఒకడు. రెగ్యులర్ అనిపించే ఊకదంపుడు సినిమాలు చేయకుండా ప్రత్యేకమైన ఛాయస్ తో ముందుకు వెళ్తున్న నిఖిల్ మొదటి సారి ఒక కన్నడ రిమేక్ లో నటిస్తున్నాడు. అదే కిర్రాక్ పార్టీ. శాండల్ వుడ్ లో ఈ మూవీ బ్లాక్ బస్టర్. కాలేజీ యువత - అక్కడి పాలిటిక్స్ - లైఫ్ స్టైల్ ఆధారం చేసుకుని చాలా లిమిటెడ్ బడ్జెట్ లో రూపొందిన ఆ సినిమా చూసి అక్కడి ప్రజలు కనకాభిషేఖం చేసారు. అందుకే నిఖిల్ కూడా దీని మీద మనసు పారేసుకున్నాడు. తనకు లైఫ్ ఇచ్చిన హ్యాపీ డేస్ లాంటి కాలేజీ బ్యాక్ డ్రాప్ తో నిఖిల్ ఆ తర్వాత ఏ సినిమా చేయలేదు. ఆ లోటు ఇది తీర్చడమే కాక అంతకు పదింతలు రిజల్ట్ ఇస్తుందని నమ్మకంగా ఉన్నాడు.

ముందు దీనికి వేరే టైటిల్ పెట్టాలని తీవ్రంగా ఆలోచించారు. తన ఫాన్స్ ని కూడా ఏదైనా సూచించమని ఒక సరదా కాంటెస్ట్ కూడా పెట్టాడు నిఖిల్. కాని అవేవి వర్క్ అవుట్ కాకపోవడంతో చివరికి కిర్రాక్ పార్టీ అనే టైటిల్ ఫిక్స్ చేసుకుని ఫిలిం చాంబర్ లో రిజిస్టర్ కూడా చేసారు. శరణ్ దర్శకత్వం వహిస్తున్న ఈ మూవీకి చందు మొండేటి డైలాగ్స్ రాస్తుండగా మరో దర్శకుడు సుదీర్ వర్మ స్క్రీన్ ప్లే ఇస్తున్నారు. ఒక రీమేక్ కోసం యంగ్ టాలెంట్స్ అందరూ కలిసి ఇంత ఫోకస్ పెట్టడం ఆశ్చర్యమే. సంయుక్త హెగ్డే - సిమ్రాన్ పరిన్జా హీరొయిన్స్ గా పరిచయమవుతున్నారు. అఫీషియల్ ఫస్ట్ లుక్ పోస్టర్ ని, ఆడియో డేట్ ని త్వరలోనే ప్రకటించనున్నారు. ఫిబ్రవరి 9 రిలీజ్ డేట్ గా అనుకున్నప్పటికీ అది కూడా ప్రకటించాల్సి ఉంది. అదే రోజు వరుణ్ తేజ్ తొలిప్రేమ - మంచు విష్ణు ఆచారి అమెరికా యాత్ర, మోహన్ బాబు గాయత్రి కూడా ప్లానింగ్ లో ఉన్నాయి.