మిస్టరీ థ్రిల్లర్ తో కుర్రాడికి మేకోవర్ గ్యారంటీ

ఇప్పుడు హీరో నిఖిల్ ఎలాగైనా సరే ఒక పెద్ద హిట్టు కొట్టాల్సిన సమయం వచ్చేసింది. వరుసపెట్టి మాంచి హిట్ల మీదున్న ఈ కుర్రాడికి కోన వెంకట్ బ్రేకులు వేశాడు. ఇప్పుడు మనోడు 'ఎక్కడికి పోతావు చిన్నవాడా' అనే డిఫరెంట్ లవ్ స్టోరీతో వస్తున్నాడు. దాని తరువాత మరోసారి స్వామి రారా అంటున్నాడు.

తనకు మేజర్ బ్రేక్ ఇచ్చిన స్వామిరారా డైరక్టర్ సుధీర్ వర్మతో నిఖిల్ సినిమా చేస్తున్నాడనేది తెలిసిన విషయమే. లేటెస్ట్ అప్ డేట్ ఏంటంటే.. ఈ సినిమాలో నిఖిల్ కోసం మళ్లీ కొత్త మేకోవర్ ప్లాన్ చేశాడట వర్మ. అప్పటివరకు అరుస్తూ రవితేజను ఇమిటేట్ చేసినట్లు నటించే నిఖిల్ కు.. ఆల్రెడీ స్వామి రారా లో లుక్ అండ్ క్యారక్టర్ డిజైన్ పరంగా పెద్ద మేకోవరే ఇచ్చాడు ఈ దర్శకుడు.

ఇప్పుడు కొత్తగా రూపొందబోయేది ఒక మిస్టరీ థ్రిల్లర్ అని తెలుస్తోంది. రాజమండ్రి - కాకినాడ తదితర ప్రాంతాల్లో షూటింగ్ జరుపుకునే ఈ సినిమా కోసం నిఖిల్ ను చాలా కొత్తగా చూపించాలని ప్లాన్ చేశారట. మరోసారి ఈ సినిమాతో మన కుర్ర హీరో పెద్ద బ్రేక్ తెచ్చుకోవమే కాదు.. ఈసారి నెక్ట్స్ లీగ్ లోకి వెళ్తాడని అంటున్నారు సన్నిహితులు.