అజ్ఞాతవాసి కోసం నిఖిల్ ఏం చేస్తున్నాడంటే..

టాలీవుడ్ లో ప్రస్తుతం పవన్ కళ్యాణ్ కి అభిమానులు ఏ తరహాలో ఉన్నారో ప్రత్యేకంగా చెప్పనక్కర్లేదు. తన మంచి తనంతో సినీ ప్రేక్షకులతో పాటు సినీ తారల మనసును కూడా పవన్ గెలుచుకున్నాడు. ప్రస్తుతం కొందరు యువ హీరోలు కూడా పవన్ కళ్యాణ్ అభిమానులని అందరికి తెలిసిన విషయమే. అయితే అందులో యువ హీరో నిఖిల్ కూడా ఉన్నాడు. ఈ హీరో వ్యక్తిగతంగా పవన్ కళ్యాణ్ ని చాలా ఇష్టపడతాడు.

పవర్ స్టార్ సినిమా ఏది రిలీజ్ అయినా మొదటి షో చూడాల్సిందే అని ఇప్పటికి ఒక ఫ్యాన్ గా ఆయన సినిమాలను చూస్తానని చెబుతుంటాడు. అయితే ఇప్పుడు కూడా నిఖిల్ తన అభిమాన హీరో పవర్ స్టార్ పవన్ కళ్యాణ్ నటించిన అజ్ఞాతవాసి సినిమా మొదటి షోను చూడాలని చాలా ఆతృతగా ఎదురుచూస్తున్నాడు. ప్రస్తుతం ఈ కుర్ర హీరో అమెరికాలో ఉన్నాడు. అక్కడ ప్రీమియర్ షోలు భారీ స్థాయిలో ప్రదర్శింపబడుతున్న సంగతి తెలిసిందే.

అయితే అక్కడే ప్రీమియర్ షోను నిఖిల్ చూడటానికి రెడీ అయ్యాడట. ప్రస్తుతం నిఖిల్ కన్నడ సినిమాను రీమేక్ చేస్తోన్న సంగతి తెలిసిందే. కిర్రాక్ పార్టీ అనే ఆ సినిమా షూటింగ్ ప్రస్తుతం చివరి దశలో ఉంది. యూఎస్ ట్రిప్ అనంతరం మనోడు మెల్లగా ఇండియాకి వచ్చి షూటింగ్ ని పూర్తి చేస్తాడట. ఇక ఫైనల్ గా సినిమాను ఫిబ్రవరిలో రిలీజ్ చేసే ఆలోచనలో ఉన్నట్లు తెలుస్తోంది.