Begin typing your search above and press return to search.
'కార్తికేయ 2' మళ్లీ వాయిదా పడనుందా..?
By: Tupaki Desk | 3 Aug 2022 9:19 AM GMT
'అర్జున్ సురవరం' సినిమాతో మంచి సక్సెస్ అందుకున్న యువ హీరో నిఖిల్.. ఇప్పుడు ''కార్తికేయ 2'' చిత్రంతో ప్రేక్షకుల ముందుకు వస్తున్నాడు. చందు మొండేటి ఈ సినిమాకి దర్శకత్వం వహించారు. ఇది ఎనిమిదేళ్ల క్రితం దర్శక హీరోల కాంబోలో వచ్చిన 'కార్తికేయ' చిత్రానికి సీక్వెల్. అంతేకాదు నిఖిల్ కు ఫస్ట్ పాన్ ఇండియా మూవీ కూడా.
ప్రస్తుతం 'స్పై' అనే పాన్ ఇండియా మూవీ చేస్తున్న నిఖిల్.. అంతకంటే ముందుగానే ''కార్తికేయ 2'' చిత్రాన్ని తెలుగు తమిళ మలయాళ కన్నడ హిందీ భాషల్లో విడుదల చేయాలని ప్లాన్ చేసుకున్నారు. దీనికి తగ్గట్టుగానే దూకుడుగా ప్రమోషన్స్ చేస్తున్నాడు. అయితే రిలీజ్ డేట్ విషయంలో మాత్రం చిత్ర బృందం ఇబ్బందులు పడుతూనే ఉందని టాక్ వినిపిస్తోంది.
పీపుల్ మీడియా ఫ్యాక్టరీ మరియు అభిషేక్ అగర్వాల్ ఆర్ట్స్ వంటి ప్రముఖ నిర్మాణ సంస్థలు 'కార్తికేయ 2' సినిమాని నిర్మించాయి. భారీ బడ్జెట్ తో విజువల్ గ్రాండియర్ గా రూపొందించారు. ముందుగా జూలై 22వ తేదీన రిలీజ్ చేయాలని ప్లాన్ చేయగా.. చివరి నిమిషంలో వాయిదా వేశారు. అనంతరం ఆగస్ట్ 12న విడుదల చేయనున్నట్లు ప్రకటించారు.
అయితే 'కార్తికేయ 2' కు రిలీజ్ డేట్ అంత ఈజీగా దొరకలేదని ఇటీవల ఓ ఇంటర్వ్యూలో హీరో నిఖిల్ వెల్లడించారు. ఆగస్ట్ 12న అయితే సినిమాకు థియేట‌ర్స్ దొర‌క‌వని.. అక్టోబ‌ర్‌ లేదా న‌వంబ‌ర్‌ కి వెళ్లిపోమన్నారని ఆవేదన వ్యక్తం చేశారు. సినిమా రిలీజ్ కు వస్తున్న అడ్డంకులు చూసి బాధేసిందని.. ఏడుపు కూడా వచ్చిందని చెప్పాడు. అయితే ఈ సినిమా మరోసారి వాయిదా పడుతుందని జోరుగా ప్రచారం జరుగుతోంది.
ఆగస్ట్ 11న మెగాస్టార్ చిరంజీవి సమర్పిస్తున్న 'లాల్ సింగ్ చడ్డా' మూవీ.. మరుసటి రోజు 12న నితిన్ హీరోగా తెరకెక్కిన 'మాచర్ల నియోజవర్గం' చిత్రాలు విడుదల కానున్న సంగతి తెలిసిందే. ఒకే సమయంలో క్రేజీ చిత్రాల రిలీజులు ఉంటే థియేటర్ల సమస్య వస్తుందని.. 'కార్తికేయ 2' మేకర్స్ పై ఒత్తిడి తెస్తున్నట్లు రూమర్లు వినిపిస్తున్నాయి.
ఈ నేపథ్యంలో 'కార్తికేయ 2' చిత్రాన్ని ఒక రోజు ఆలస్యంగా అంటే ఆగస్ట్ 13న లేదా తర్వాతి వారం ఆగస్ట్ 19వ తేదీకి వాయిదా వేసే అవకాశం ఉందని అంటున్నారు. దీనిపై ఇంకా అధికారిక ప్రకటన రాలేదు. మరోవైపు చిత్ర బృందం మాత్రం ఆగస్టు 12 రిలీజ్ అంటూ గట్టిగా ప్రమోషన్స్ చేస్తున్నారు. థియేట్రికల్ ట్రైలర్ ను లాంచ్ చేయడానికి డేట్ కూడా ఫిక్స్ చేశారు.
ఇప్పటి వరకూ 'కార్తికేయ 2' నుంచి వచ్చిన ప్రమోషనల్ కంటెంట్ విశేష స్పందన తెచ్చుకుని సినిమాపై అంచనాలు రెట్టింపు చేసింది. ఓరకంగా చెప్పాలంటే నితిన్ సినిమా కంటే కూడా నిఖిల్ చిత్రానికే కాస్త ఎక్కువ బజ్ ఉంది. కచ్చితంగా ఆగస్ట్ బాక్సాఫీస్ వద్ద స్ట్రాంగ్ గా నిలబడే సినిమా అవుతుందని సినీ అభిమానులు భావిస్తున్నారు.
కానీ 'కార్తికేయ 2' సినిమా విడుదల విషయంలో రూమర్స్ మాత్రం ఆగడం లేదు. ఈ వార్తలు నిజమేనా? లేదా ఒట్టి పుకార్లా అని అందరూ ఆలోచిస్తున్నారు. ఈరోజు బుధవారం చిత్ర బృందం అంతా ప్రెస్ మీట్ పెడుతున్నట్లు నిఖిల్ ట్విట్టర్ వేదికగా వెల్లడించారు. ఈ సందర్భంగా రిలీజ్ డేట్ పై క్లారిటీ ఇచ్చే అవకాశం ఉంది.
కాగా, శ్రీకృష్ణ తత్వానికి సంబంధించిన మిస్టరీ కథాంశంతో సూపర్ నేచురల్ మిస్టికల్ అడ్వెంచర్ థ్రిల్లర్ గా 'కార్తికేయ 2' చిత్రాన్ని తెరకెక్కించారు. ఇందులో నిఖిల్ సరసన అనుపమ పరమేశ్వరన్ హీరోయిన్ గా నటించగా.. అనుపమ్ ఖేర్ కీలక పాత్ర పోషించారు. కాల భైరవ సంగీతం సమకూర్చగా.. కార్తీక్ ఘట్టమనేని సినిమాటోగ్రఫీ నిర్వహించారు.
ప్రస్తుతం 'స్పై' అనే పాన్ ఇండియా మూవీ చేస్తున్న నిఖిల్.. అంతకంటే ముందుగానే ''కార్తికేయ 2'' చిత్రాన్ని తెలుగు తమిళ మలయాళ కన్నడ హిందీ భాషల్లో విడుదల చేయాలని ప్లాన్ చేసుకున్నారు. దీనికి తగ్గట్టుగానే దూకుడుగా ప్రమోషన్స్ చేస్తున్నాడు. అయితే రిలీజ్ డేట్ విషయంలో మాత్రం చిత్ర బృందం ఇబ్బందులు పడుతూనే ఉందని టాక్ వినిపిస్తోంది.
పీపుల్ మీడియా ఫ్యాక్టరీ మరియు అభిషేక్ అగర్వాల్ ఆర్ట్స్ వంటి ప్రముఖ నిర్మాణ సంస్థలు 'కార్తికేయ 2' సినిమాని నిర్మించాయి. భారీ బడ్జెట్ తో విజువల్ గ్రాండియర్ గా రూపొందించారు. ముందుగా జూలై 22వ తేదీన రిలీజ్ చేయాలని ప్లాన్ చేయగా.. చివరి నిమిషంలో వాయిదా వేశారు. అనంతరం ఆగస్ట్ 12న విడుదల చేయనున్నట్లు ప్రకటించారు.
అయితే 'కార్తికేయ 2' కు రిలీజ్ డేట్ అంత ఈజీగా దొరకలేదని ఇటీవల ఓ ఇంటర్వ్యూలో హీరో నిఖిల్ వెల్లడించారు. ఆగస్ట్ 12న అయితే సినిమాకు థియేట‌ర్స్ దొర‌క‌వని.. అక్టోబ‌ర్‌ లేదా న‌వంబ‌ర్‌ కి వెళ్లిపోమన్నారని ఆవేదన వ్యక్తం చేశారు. సినిమా రిలీజ్ కు వస్తున్న అడ్డంకులు చూసి బాధేసిందని.. ఏడుపు కూడా వచ్చిందని చెప్పాడు. అయితే ఈ సినిమా మరోసారి వాయిదా పడుతుందని జోరుగా ప్రచారం జరుగుతోంది.
ఆగస్ట్ 11న మెగాస్టార్ చిరంజీవి సమర్పిస్తున్న 'లాల్ సింగ్ చడ్డా' మూవీ.. మరుసటి రోజు 12న నితిన్ హీరోగా తెరకెక్కిన 'మాచర్ల నియోజవర్గం' చిత్రాలు విడుదల కానున్న సంగతి తెలిసిందే. ఒకే సమయంలో క్రేజీ చిత్రాల రిలీజులు ఉంటే థియేటర్ల సమస్య వస్తుందని.. 'కార్తికేయ 2' మేకర్స్ పై ఒత్తిడి తెస్తున్నట్లు రూమర్లు వినిపిస్తున్నాయి.
ఈ నేపథ్యంలో 'కార్తికేయ 2' చిత్రాన్ని ఒక రోజు ఆలస్యంగా అంటే ఆగస్ట్ 13న లేదా తర్వాతి వారం ఆగస్ట్ 19వ తేదీకి వాయిదా వేసే అవకాశం ఉందని అంటున్నారు. దీనిపై ఇంకా అధికారిక ప్రకటన రాలేదు. మరోవైపు చిత్ర బృందం మాత్రం ఆగస్టు 12 రిలీజ్ అంటూ గట్టిగా ప్రమోషన్స్ చేస్తున్నారు. థియేట్రికల్ ట్రైలర్ ను లాంచ్ చేయడానికి డేట్ కూడా ఫిక్స్ చేశారు.
ఇప్పటి వరకూ 'కార్తికేయ 2' నుంచి వచ్చిన ప్రమోషనల్ కంటెంట్ విశేష స్పందన తెచ్చుకుని సినిమాపై అంచనాలు రెట్టింపు చేసింది. ఓరకంగా చెప్పాలంటే నితిన్ సినిమా కంటే కూడా నిఖిల్ చిత్రానికే కాస్త ఎక్కువ బజ్ ఉంది. కచ్చితంగా ఆగస్ట్ బాక్సాఫీస్ వద్ద స్ట్రాంగ్ గా నిలబడే సినిమా అవుతుందని సినీ అభిమానులు భావిస్తున్నారు.
కానీ 'కార్తికేయ 2' సినిమా విడుదల విషయంలో రూమర్స్ మాత్రం ఆగడం లేదు. ఈ వార్తలు నిజమేనా? లేదా ఒట్టి పుకార్లా అని అందరూ ఆలోచిస్తున్నారు. ఈరోజు బుధవారం చిత్ర బృందం అంతా ప్రెస్ మీట్ పెడుతున్నట్లు నిఖిల్ ట్విట్టర్ వేదికగా వెల్లడించారు. ఈ సందర్భంగా రిలీజ్ డేట్ పై క్లారిటీ ఇచ్చే అవకాశం ఉంది.
కాగా, శ్రీకృష్ణ తత్వానికి సంబంధించిన మిస్టరీ కథాంశంతో సూపర్ నేచురల్ మిస్టికల్ అడ్వెంచర్ థ్రిల్లర్ గా 'కార్తికేయ 2' చిత్రాన్ని తెరకెక్కించారు. ఇందులో నిఖిల్ సరసన అనుపమ పరమేశ్వరన్ హీరోయిన్ గా నటించగా.. అనుపమ్ ఖేర్ కీలక పాత్ర పోషించారు. కాల భైరవ సంగీతం సమకూర్చగా.. కార్తీక్ ఘట్టమనేని సినిమాటోగ్రఫీ నిర్వహించారు.
