ఫస్ట్ లుక్‌: చల్లగా నిఖిల్ వడ్డిస్తున్న పగ

యంగ్ హీరో నిఖిల్ డిఫరెంట్ మూవీస్ తో దూసుకుపోతూనే ఉన్నాడు. స్వామిరారా నుంచి స్టార్ట్ చేస్తే.. నిఖిల్ ఎంచుకుంటున్న సబ్జెక్టులు.. ఆడియన్స్ నే కాదు టాలీవుడ్ ని కూడా థ్రిల్ చేస్తున్నాయి. గతేడాది శంకరాభరణం అంటూ ఓ షాక్ తిన్నాడు కానీ.. రీసెంట్ గా ఎక్కడికిపోతావు చిన్నవాడా మూవీతో భారీ బ్లాక్ బస్టర్ అందుకున్నాడు.

ఇప్పుడు మళ్లీ తన స్టైల్ లోనే ఓ మూవీ చేస్తున్నాడు నిఖిల్. మూవీ పేరు ''కేశవ''. స్వామిరారా దర్శకుడు సుధీర్ వర్మ.. ఈ కేశవ మూవీకి దర్శకుడు. ఇప్పుడీ మూవీకి ప్రీ లుక్ రిలీజ్ చేశారు. రక్తం ఏరులై పారుతున్న చెరువు.. చుట్టూతా కత్తులు, గన్స్ పట్టుకుని ఒక్కడిపైకి ఎక్కుపెట్టిన విజువల్ ని.. టాప్ యాంగిల్ లోంచి చూపిస్తూ.. ప్రీ లుక్ గా రిలీజ్ చేశారు. మధ్యలో ఉన్నది హీరోనే అని ఎక్స్ పెక్ట్ చేయడం అంత కష్టమేం కాదు కానీ.. నిఖిల్ పై అంతగా ఎందుకు పగ పట్టేశారన్నదే పాయింట్.ఇదో రివెంజ్ డ్రామా అంటూ ప్రీలుక్ లోనే చెప్పేశాడు దర్శకుడు సుధీర్ వర్మ.

''పగ అనే వంటకాన్ని చల్లగా ఉన్నప్పుడు వడ్డిస్తే కిక్కే వేరు'' అన్న అర్ధం వచ్చే క్యాప్షన్ తగిలించారు. కాపీ అనో.. రీమేక్ అనో.. ఫ్రీమేక్ అనో ఆరోపణలు రాకుండా ఉండడం కోసం.. 'ది గాడ్ ఫాదర్'.. 'కిల్ బిల్'.. ఇంకా మరిన్ని అనే లెటరింగ్ తో.. అదే టైపులో ఉండే రివెంజ్ డ్రామా థీమ్ ని చెప్పకనే చెప్పాడు. స్వామిరారా తర్వాత దోచెయ్ మూవీతో ఫ్లాప్ ఎదుర్కున్న సుధీర్ వర్మ.. కేశవ ప్రీలుక్ తోనే సగం హిట్ కొట్టేశాడని చెప్పచ్చు. ఫస్ట్ లుక్ డిసెంబర్ 24న రిలీజ్ చేస్తున్నట్లు అనౌన్స్ చేసింది కేశవ యూనిట్.