​యంగ్ ఇడియట్ లా మారిన హీరో

కొత్త వారు వస్తారు పాత వారి స్థానాన్ని భర్తీ చేస్తూ ఉంటారు. ఇది ఎక్కడైనా జరిగే తంతే. అయితే కొన్ని రంగాలలో ఇటువంటి మార్పులు చాల తొందరగా జరుగుతాయి. సినిమా రంగంలో అయితే ఈ మార్పులు మరింత వేగంగా జరుగుతాయి. అలానే ఇప్పుడు వస్తున్న యంగ్ హీరోల్లో నిఖిల్ కు ఉన్న ఎనర్జి మాస్ మహా రాజ రవితేజ మొదటి సినిమాలలో కనిపించే ఎనర్జి ఇంచు మించు ఒకేలా కనిపిస్తుంది.

హ్యాపీ డేస్ సినిమా తో గుర్తింపు తెచ్చుకున్న నిఖిల్ ఇప్పుడు విబిన్న కథలు ఎంచుకొని నెమ్మదిగా స్టార్ కావడానికి ప్రయత్నాలు చేస్తున్నాడు. ఎక్కడికి పోతావు చిన్నవాడా - కేశవ సినిమాల హిట్లతో నిఖిల్ కెరియర్ ఇప్పుడు సరైన గాడిలో పడినట్లే అనే చెప్పవచ్చు. చిన్న సినిమాలు చేసిన కమర్షియల్ హిట్లు కొట్టాడు. దీనితో నిఖిల్ చేతిలో మరిన్ని ఆశక్తికర సినిమా ఆఫర్లు ఉన్నాయి. తమిళ్ సినిమా ‘కనితన్’ తెలుగులో రీమేక్ చేద్దాం అనుకుంటున్నారు. దీని కోసం ముందు రవితేజను అడిగారు. అతను అప్పటికే కొన్ని ప్రాజెక్టులు కు ఫిక్స్ అవ్వడం తో వాళ్ళు నిఖిల్ ని ఎన్నుకొని చేద్దాం అని ఫిక్సయ్యారట. తమిళ్ వర్షన్ ను డైరెక్ట్ చేసిన సంతోష్‌.. ప్రొడ్యూస్ చేసిన కలైపులి తాను.. తెలుగులో కూడా వారే తీస్తారట. ఇదిలా ఉండగా నల్లమలపు బుజ్జి - ఠాగుర్ మధు ఈ సినిమా రైట్స్ ను తీసుకోవడానికి ప్రయత్నాలు చేస్తునట్లు తెలుస్తోంది.

నిఖిల్ ఈ తమిళ్ సినిమా రీమేక్ మాత్రమే కాకుండా ఇంకో కన్నడ సూపర్ హిట్ మూవీ 'కిరిక్ పార్టీ' కూడా చేయబోతున్నాడట. చిన్న సినిమాలుతో ప్రయోగాలు చేస్తున్న నిఖిల్ కు ఈ రెండు సినిమాలు కూడా హిట్ అయ్యే అవకాశం ఉంది. తమిళ్ కనితన్ కానీ కన్నడ కిరిక్ పార్టీ కానీ అక్కడ మంచి హిట్ సినిమాలే. మొత్తానికి మనోడు అభినవ 'ఇడియట్' రవితేజలా దూసుకుపోతాడనమాట.