ముద్ర వేసేది నిఖిల్ మీదేనా

మార్చ్ 16 కిరాక్ పార్టీ విడుదల కోసం ఎదురు చూస్తున్న నిఖిల్ మరో తమిళ్ రీమేక్ కనితన్ కోసం రంగంలోకి దిగిన సంగతి తెలిసిందే. ఇటీవలే షూటింగ్ లాంచనంగా ప్రారంభించుకున్న ఈ మూవీలో నిఖిల్ అర్జున్ సురవరం అనే జర్నలిస్ట్ రోల్ లో కనిపించనున్నాడు. ఇక పోతే ఈ సినిమా నిర్మాత మధు తన బ్యానర్ పేరు మీద ‘ముద్ర’ అనే టైటిల్ రిజిస్టర్ చేయటం చూస్తే ఇది కనితన్ రీమేక్ కోసమే అనే అనుమానాలు బలపడుతున్నాయి. ఆయన నిర్మిస్తున్న సినిమాల్లో పెద్ద బడ్జెట్ లో రూపొందుతున్నది ప్రస్తుతానికి ఇదొక్కటే. కథ ప్రకారం హీరో సంఘం మీద వేయలనుకున్న ఒక బలమైన ముద్ర అని అర్థం వచ్చేలా దీన్ని ఫిక్స్ చేసినట్టు అనిపిస్తోంది. అర్జున్ రెడ్డి ఫేం శాలిని పాండే దీనికి హీరొయిన్ గా ఆల్మోస్ట్ ఫిక్స్ అయినట్టే. తొలుత రెండు మూడు పేర్లు ప్రతిపాదనలోకి వచ్చినా తనకే ఓటు పడిందట.

థ్రిల్లర్ జానర్ లో వస్తున్న మూవీ కాబట్టి ముద్ర యాప్ట్ టైటిల్ గానే అనిపిస్తోంది. సస్పెన్స్ డ్రామా ఉన్న సినిమాలను నిఖిల్ ఎంతగా ఇష్టపడతాడో కనితన్ రీమేక్ ద్వారా మరోసారి స్పష్టమైంది. కేశవా, స్వామి రారా, కార్తికేయ ఇవన్ని ఆ జానర్లో వచ్చినవే. విద్యా వ్యవస్థలోని లోపాలను ఎండగడుతూ ఇన్వెస్టిగేటివ్ తరహాలో ఆద్యంతం ఆసక్తిగా సాగే కనితన్ రీమేక్ నిఖిల్ కు పర్ఫెక్ట్ ఛాయస్ అని చెప్పొచ్చు. షూటింగ్ వీలైనంత త్వరగా పూర్తి చేసి ఆగష్టు లో విడుదల చెసే ప్లాన్ లో ఉన్నాడు టాగోర్ మధు.తమిళ్ ఒరిజినల్ దర్శకత్వం వహించిన సంతోష్ కే దీని బాధ్యతలు కూడా అప్పగించారు. ఈ ఏడాది కిరాక్ పార్టీతో పాటు ఈ మూవీతో నిఖిల్ సర్రైజ్ చేయటం ఖాయంగా కనిపిస్తోంది. ఇందులో శాలిని పాండే చేస్తున్న పాత్ర తమిళ్ లో క్యాథరిన్ త్రెస్సా చేసింది.