'అ..ఆ'కి మాంత్రికుడు డేట్ ఇచ్చాడు

నితిన్ - సమంత హీరో హీరోయిన్లు మాటల మాంత్రికుడు త్రివిక్రమ్ శ్రీనివాస్ డైరెక్షన్ లో అ..ఆ.. తెరకెక్కుతోంది. పర్ఫెక్షనిజం ఎక్కువ కావడంతో ఈ మూవీ అనుకున్న సమయం కంటే చాలా ఆలస్యం అవుతోంది. మొదట సంక్రాంతి అన్నారు... ఆ తర్వాత ఫిబ్రవరి అనుకున్నా.. ఇప్పటివరకూ ఏప్రిల్ 22న అ..ఆ. విడుదలవుతుందని భావించారు. కానీ ఇప్పుడు మే 6న ఈ సినిమాను రిలీజ్ చేయబోతున్నట్లు నిర్మాతల నుంచి న్యూస్ అందుతోంది.

ఈ మేరకు డిస్ట్రిబ్యూటర్లకు సమాచారం ఇస్తున్నారట మేకర్స్. ఈ మధ్య కాలంలో అ..ఆ.. కి సంబంధించిన అప్ డేట్స్ ఏమీ రాకపోవడంతో బాగా ఆలస్యం అవుతుందని అనుకున్నారు. బడ్జెట్ విషయంలో కూడా లిమిట్ దాటిందనే రూమర్స్ ఎక్కువయ్యాయి. అయితే.. ఈ మూవీకి సంబంధించిన పెండింగ్ వర్క్ ను సైలెంట్ గా ఫినిష్ చేసేస్తున్నారట. ఇప్పటికే దాదాపు షూటింగ్ పూర్తయిపోయిందని టాక్.

పెండింగ్ ఉన్న రెండు పాటలను కూడా కంప్లీట్ చేసేయనుంది అ..ఆ.. యూనిట్. మిగిలిన వర్క్స్ కూడా పూర్తి చేసుకుని రెడీ ఫర్ రిలీజ్ గా సినిమాని సిద్ధం చేస్తున్నారు. అయితే, ఏప్రిల్ లో డేట్స్ టైట్ గా ఉండడంతో రిలీజ్ కి ఇబ్బంది ఎదురయ్యే అవకాశం ఉందని త్రివిక్రమ్ భావిస్తున్నాడట. అందుకే మే6ని రిలీజ్ డేట్ నిర్ణయించారని అంటున్నారు.