లై తర్వాత మళ్లీ యూఎస్ కే

యంగ్ హీరో నితిన్ నటించిన లై మూవీ.. ఇండిపెండెన్స్ డే వీకెండ్ లో వచ్చింది. సినిమా గురించి టాక్ బాగానే వచ్చినా.. ఇంటెలిజెంట్ మూవీ అనే పేరు వచ్చినా.. ఆశించిన స్థాయిలో వసూళ్లు మాత్రం రాలేదు. రెండు కమర్షియల్ సినిమాలతో కలిపి రిలీజ్ చేయడం.. లై కు నెగిటివ్ గా పరిణమించిందని ట్రేడ్ జనాలు అంటున్నారు.

లై మూవీ కోసం నితిన్ అమెరికాలో సుదీర్ఘమైన క్యాంప్ వేసిన సంగతి తెలిసిందే. ఆ మూవీ అంతా అమెరికాలోనే సాగే కాన్సెప్ట్ కావడంతో.. రెండున్నర నెలల పాటు అక్కడే ఉండి షూటింగ్ చేశారు. మూవీ టీం అంతా యూఎస్ లోనే ఉండాల్సి వచ్చింది. ఇప్పుడు తన మరుసటి చిత్రానికి కూడా అమెరికా వెళ్లాడు నితిన్. కృష్ణ చైతన్య దర్శకత్వంలో రూపొందుతున్న ఈ చిత్రానికి ఫస్ట్ షెడ్యూల్ ఇప్పటికే పూర్తయింది. హైద్రాబాద్ లో సుదీర్ఘంగా సాగిన షెడ్యూల్ లో కీలక సన్నివేశాలను చిత్రీకరించగా.. ఇప్పుడు అమెరికాలో కొన్ని వారాల పాటు ఉండబోతున్నారట. ఇక్కడ కొన్ని పాటలతో పాటు.. ప్రధానమైన సన్నివేశాల పిక్చరైజేషన్ కూడా జరగనుందని తెలుస్తోంది. ఇప్పటికే యూఎస్ ఏ వెళ్లిన చిత్ర యూనిట్.. అక్కడ 5 వారాల పాటు షూటింగ్ చేయనున్నారట. కొన్ని యాక్షన్ సీక్వెన్స్ లు కూడా అమెరికాలో షూట్ చేయనున్నారని తెలుస్తోంది.

పవన్ కళ్యాణ్ క్రియేటివ్ వర్క్స్.. శ్రేష్ఠ్ మూవీస్.. త్రివిక్రమ్ మూవీస్ లు కలిసి ఈ చిత్రాన్ని తెరకెక్కిస్తుండగా.. త్రివిక్రమ్ రైటింగ్ ఈ మూవీకి ప్రధాన అట్రాక్షన్ కానుంది. లై మూవీతో ఆశించిన స్థాయి సక్సెస్ అందుకోలేకపోయిన నితిన్.. ప్రస్తుతం ఈ మూవీపైనే హోప్స్ పెట్టుకున్నాడు.లై చిత్రంలో నటించిన మేఘా ఆకాష్.. ఈ చిత్రంలో కూడా హీరోయిన్ గా నటిస్తుండడం విశేషం.