అ.. ఆ జంటకు టెన్ష‌న్ టెన్ష‌న్‌

అ.. ఆ ..ని సాగ‌తీస్తే .. అన‌సూయ రామ‌లింగం వ‌ర్సెస్ ఆనంద్ విహారి అంటూ త్రివిక్ర‌మ్ ఓ ఇంట్రెస్టింగ్ టైటిల్‌ తో మ‌రోసారి టాక్ ఆఫ్ ది టౌన్ అయ్యాడు. మ‌రీ అంత పొడ‌వుగా సాగ‌తీత‌లా ఉందే అని జ‌నాలు అనుకోకుండా ముందే ముకుతాడు వేసేందుకు అ .. ఆ అని షార్ట్‌ క‌ట్ చేసేశాడు. ఏదైతేనేం ఈ టైటిల్ చూడ‌గానే ఓ ఫ‌న్నీ ఎంట‌ర్‌ టైన‌ర్ అని అంద‌రికీ అర్థ‌మైంది. అయితే ఇప్పుడు త్రివిక్రమ్‌ - సమంత - నితిన్‌ ల గురించి ఒక కామెంట్‌ చేస్తున్నారు.

అత్తారింటికి దారేది త‌ర్వాత త్రివిక్ర‌మ్‌ కి సూపర్‌ బ్లాక్‌ బ‌స్ట‌ర్ హిట్ లేదు. స‌న్నాఫ్ స‌త్య‌మూర్తి ఫ‌లితం ఎలా ఉన్నా.. అది అద్భుత‌మైన క‌మ‌ర్షియ‌ల్ సినిమా కాదు అన్న విమ‌ర్శ‌లొచ్చాయి. అలాగే నితిన్‌ కి చిన్న‌దాన నీకోసం - కొరియ‌ర్ బోయ్ క‌ళ్యాణ్‌లాంటి ఫ్లాప్‌ లు పెద్ద త‌ల‌నొప్పి వ్య‌వ‌హారంగా మారాయి. ఇక‌పోతే స‌మంత‌కి కూడా విమ‌ర్శ‌లు ఎదుర్కొనే ప‌రాజ‌యాలొచ్చాయి. శికింద‌ర్‌ - అల్లుడు శీను - ర‌భ‌స లాంటి సినిమాలు బాక్సాఫీస్ వ‌ద్ద డిజష్టర్లగా నిలిచాయి. మ‌ధ్య‌లో మ‌నం లాంటి సూప‌ర్‌హిట్ ప‌డి ఉండ‌క‌పోతే స‌మంత‌ని వేలెత్తి చూపించేవాళ్లే ఎక్కువ‌.

అందుకే ఇప్పుడు ఈ ముగ్గురూ వెన‌క‌ బెంచీ లోంచి ముందు బెంచీలోకి రావాల‌ని య‌త్నిస్తున్న‌ట్టు అనిపిస్తోంది. ఇలాంటి టైమ్‌ లో ఇలాంటి క‌ల‌యిక‌లో హిట్టొస్తేనే పేరొస్తుంది. రేసులో వెన‌క‌బ‌డం, ముందు ముందుకు దూసుకొస్తామ‌ని ప్రూవ్ చేయాల్సిన టైమ్ ఇది. అది సంగతి.