నితిన్ డబుల్ జాక్ పాట్

ఊహించని రీతిలో ఎన్నో అంచనాలు పెట్టుకున్న శ్రీనివాస కళ్యాణం డిజాస్టర్ కావడం నితిన్ ని తీవ్రంగా నిరాశ పరిచిన మాట వాస్తవం. ఫ్యామిలీ ఆడియన్స్ ఆదరణతో మంచి హిట్ ఖాతాలో పడుతుంది అనుకుంటే ఇదే పెద్ద మైనస్ గా నిలిచింది. అందుకే కొంత గ్యాప్ తీసుకున్న నితిన్ మళ్ళి యాక్షన్ మోడ్ లోకి దిగిపోతున్నాడు. కాకపోతే ఒకేసారి డబుల్ జాక్ పాట్ కొడుతున్నాడు. అందులో మొదటిది ఇంతకు ముందు తెలిసిందే.

ఛలో ఫేం వెంకీ కుడుములతో భీష్మ(వర్కింగ్ టైటిల్)కు గ్రీన్ సిగ్నల్ ఇచ్చిన నితిన్ దాని షూటింగ్ లో జనవరి 7 నుంచి పాల్గొనబోతున్నట్టు సమాచారం. పెళ్ళంటే ఇష్టం లేని ఓ బ్రహ్మచారి కథను తీసుకుని తనదైన శైలిలో వెరైటీ ట్రీట్మెంట్ తో వెంకీ దీన్ని రాసుకున్నట్టు ఇప్పటికే టాక్ ఉంది. రష్మిక మందన్న హీరొయిన్ గా చేయనుండటం మరో ఆకర్షణ, ఛలోతో తనకు టాలీవుడ్ లో పెద్ద బ్రేక్ ఇచ్చింది వెంకీ కుడుములనే.

ఇక రెండో జాక్ పాట్ విషయానికి వస్తే తమిళ్ లో సెన్సేషనల్ హిట్ గా నిలిచిన రట్ససన్ రీమేక్ హక్కులు నితిన్ కొన్నాడట. కళ్ళు పక్కకు తిప్పుకోనివ్వని సస్పెన్స్ తో విష్ణు విశాల్ హీరోగా రూపొందిన ఈ సైకో థ్రిల్లర్ ఇప్పటికీ తమిళనాడులో నెల రోజులు దాటినా ఆడుతూనే ఉంది. పోటీ ఉన్నప్పటికీ మంచి ధరకు నితిన్ కొన్నట్టు సమాచారం. మరి తనే హీరోగా నటిస్తాడా లేక నిర్మాణానికి మాత్రమే పరిమితమై వేరే హీరోతో చేయిస్తాడా అనేది ఇప్పుడే చెప్పలేం.

ఇందులో కథానాయకుడు సీరియస్ అండ్ సిన్సియర్ పోలీస్ ఆఫీసర్. నితిన్ ఖాకీ చొక్కా వేసుకున్న పాత్ర ఇంతవరకు చేయలేదు. మరి రట్ససన్ ఏ హీరో ఖాతాలో వెళ్తుందో చూడాలి. నితిన్ సినిమాల్లో రెగ్యులర్ గా అభిమానులు ఆశించే కమర్షియల్ అంశాలు రట్ససన్ లో ఉండవు కాబట్టి వేరే హీరోతోనే ఉండొచ్చని ఇన్ సైడ్ టాక్. చూద్దాం