నితిన్ ఆ సినిమాతో ఒడ్డున పడతాడా?

కుర్ర హీరో నితిన్ ఇప్పుడు త్రివిక్రమ్ డైరెక్షన్ లో నటిస్తూ క్రేజ్ ప్రాజెక్ట్ చేస్తున్నాడు కానీ... కుర్రాడి పొజిషన్ అంత గొప్పగా ఏమీ లేదు. దీనికి కారణం వరుసగా రెండు ఫ్లాప్స్ ఎదుర్కోవాల్సి రావడమే. చిన్నదాన నీ కోసం నితిన్ కి బాగానే నష్టాలను మిగిల్చింది. వీటిని తట్టుకోవడం పెద్ద కష్టం కాకపోయినా.. ఆ తర్వాత అఖిల్ కొట్టిన దెబ్బ మాత్రం గట్టిగానే ఉంది. అఖిల్ ఎఫెక్ట్ తో ముందు సినిమా లాస్ లు కూడా పెద్దగానే కనిపించే పరిస్థితి.

ఇప్పుడు సమంతతో కలిసి త్రివిక్రమ్ డైరెక్షన్ లో అ.. ఆ.. చేస్తున్నా అదేమీ భారీగా రెమ్యూనరేషన్ ఇచ్చే సినిమా కాదు, మరోవైపు సొంత నిర్మాణం కూడా కాదు. అందుకే ఈ టైంలో ఓ ప్రాజెక్టుపై భారీగా పెట్టుబడి పెట్టేశాడంటున్నారు. కోలీవుడ్ హీరో సూర్య నటించిన 24 టీజర్ విడుదల అయినప్పటి నుంచీ ఈ సినిమాపై అంచనాలు ఆకాశానికి చేరిపోయాయి. అందుకే 24కి సంబంధించిన తెలుగు రైట్స్ ని హోల్ సేల్ గా కొనేశారట నితిన్, తన తండ్రి సుధాకర్ రెడ్డి. ఈ మూవీ డబ్బింగ్ వెర్షన్ తమకు కాసుల వర్షం కురిపిస్తుందని ఆశలు పెట్టుకున్నారు.

ప్రస్తుతం సూర్య ఫాంతో పాటు.. డైరెక్టర్ విక్రమ్ కె కుమార్ పై నితిన్ కి ఉన్న నమ్మకమే ఇందుకు కారణం. గతంలో వీళ్లిద్దరూ కలిసి ఇష్క్ సినిమా కూడా చేయడంతో.. విక్రంపై నితిన్ కి అపారమైన నమ్మకం. అంటే ఇప్పుడు నితిన్ ని నష్టాలనుంటి బయట పడేయాల్సిన బాధ్యత సూర్యదే అన్నమాట.