Begin typing your search above and press return to search.
చల్ మోహనరంగడి ముచ్చట్లు
By: Tupaki Desk | 4 April 2018 1:30 PM GMT
ఒకపక్క రంగస్థలం మేనియా సాగుతుండగా మరోపక్క రేపు చల్ మోహనా అంటూ మరో రంగా వస్తున్నాడు. అదేనండి నితిన్ హీరోగా పవన్ కళ్యాణ్ ఒక నిర్మాతగా స్వంత బ్యానర్ మీద రూపొందుతున్న చల్ మోహనరంగా మరికొద్ది గంటల్లో సిల్వర్ స్క్రీన్ పైకి రాబోతోంది. మొదటిసారి పవర్ స్టార్ బయటి హీరోతో సినిమా నిర్మించడం ఒక విశేషం కాగా త్రివిక్రమ్ కథను అందించడం మరో విశిష్టత. నారా రోహిత్ కు రౌడీ ఫెలో రూపంలో ఒక సూపర్ హిట్ ఇచ్చిన దర్శకుడు కృష్ణ చైతన్య సుమారు ఐదేళ్ళ గ్యాప్ తర్వాత తీసిన సినిమా కావడంతో దీని మీద మంచి అంచనాలు నెలకొని ఉన్నాయి. ఫస్ట్ లుక్ పోస్టర్ నుంచి ట్రైలర్ దాకా అదే ఫీల్ క్యారీ చేస్తూ చూపించారు కాబట్టి యూత్ దీని మీద మంచి హోప్స్ తో ఉంది. ఈ సందర్భంగా సినిమా గురించిన విశేషాలు నితిన్ మాటల్లోనే
ఇది ఒక కంప్లీట్ లవ్ స్టొరీ. మేఘా నేను గతంలో చేసిన లై యాక్షన్ ఎంటర్ టైనర్ కావడం వల్ల ఇద్దరికీ కెమిస్ట్రీ అంతగా పండలేదు. కాని ఇందులో మాత్రం నటనకు మంచి స్కోప్ దక్కింది. కథ విషయానికి వస్తే నా పేరు మోహనరంగా. అమెరికా వెళ్ళాలనేది డ్రీం. కాని అనుకున్నది ఒకటి అయినది ఒకటి తరహాలో అనూహ్యంగా జరిగిన సంఘటనల వల్ల అమెరికా నుంచి గోవాకు రావాల్సి వస్తుంది. ఈ మధ్యలోనే ఒక అందమైన ప్రేమ కథ మొదలవుతుంది. అసలు అమెరికా నుంచి రంగా ఎందుకు వచ్చాడు మేఘా ఎలా పరిచయం అయ్యింది ఇవన్ని వెండితెరపై చూడాల్సిందే.
మీరు ఫస్ట్ లుక్ లో చూసిన దేవదాస్ స్టిల్ కి కథకు ఒక బలమైన కనెక్షన్ ఉంటుంది, మందు బాటిల్-కుక్క కామన్ కాని అక్కడ పుస్తకం ఎందుకు ఉంది అనేది మాత్రం సస్పెన్స్. ఇప్పుడే చెప్తే కిక్ పోతుంది. నాకు కృష్ణ చైతన్య ఏరా పోరా అని పిలుచుకునేంత చనువు ఉన్న ఫ్రెండ్. అందుకే షూటింగ్ చాలా హాయిగా గడిచిపోయింది. త్రివిక్రమ్-పవన్ పేర్లకు దెబ్బ పడకుండా స్క్రిప్ట్ విషయంలో చాలా జాగ్రత్తలు తీసుకున్నాం. 8 నెలల క్రితమే తమన్ దీని కోసం ఎన్నో ట్యూన్స్ ఇస్తే అందులో బెస్ట్ తీసుకున్నాం. అందుకే ఇంత రెస్పాన్స్ వస్తోంది. లవ్ స్టొరీ ఎప్పుడైనా మామూలుగానే ఉంటుంది. కాని కొత్త కాంబినేషన్ పాత్రలతో ఎలా పండించవచ్చో ఇందులో చూస్తారు. లిజి - రావు రమేష్ - సత్య అందరితో చేయటం చాలా ఫ్రెష్ గా అనిపిస్తుంది. ఇప్పటి దాకా కామెడీ పరంగా గుండె జారి గల్లంతయ్యిందే టాప్ ప్లేస్ లో ఉంది. దానికి పదింతలు చల్ మోహనరంగాలో చూస్తారు. ఇంతకు మించి చెప్పడం భావ్యం కాదు.
ఇదండీ చల్ మోహనరంగా గురించి నితిన్ అంతరంగం. కంటెంట్ మీద చాలా కాన్ఫిడెంట్ గా ఉన్న నితిన్ అది సినిమాలో కూడా ఉంటుందని గట్టి భరోసా ఇస్తున్నాడు. యూత్ ని టార్గెట్ చేసి వచ్చిన ఫుల్ ఎంటర్ టైనింగ్ లవ్ స్టొరీ ఈ మధ్య కాలంలో రాలేదు కనక చల్ మోహనరంగాకు రేపు వాళ్ళ నుంచే భారీ రెస్పాన్స్ రావడం ఖాయంగా ఉంది. పవన్ ఫాన్స్ కూడా తమ హీరో ప్రొడ్యూసర్ గా ఉన్న మూవీ కాబట్టి చూసేందుకు రెడీ అవుతున్నారు.
ఇది ఒక కంప్లీట్ లవ్ స్టొరీ. మేఘా నేను గతంలో చేసిన లై యాక్షన్ ఎంటర్ టైనర్ కావడం వల్ల ఇద్దరికీ కెమిస్ట్రీ అంతగా పండలేదు. కాని ఇందులో మాత్రం నటనకు మంచి స్కోప్ దక్కింది. కథ విషయానికి వస్తే నా పేరు మోహనరంగా. అమెరికా వెళ్ళాలనేది డ్రీం. కాని అనుకున్నది ఒకటి అయినది ఒకటి తరహాలో అనూహ్యంగా జరిగిన సంఘటనల వల్ల అమెరికా నుంచి గోవాకు రావాల్సి వస్తుంది. ఈ మధ్యలోనే ఒక అందమైన ప్రేమ కథ మొదలవుతుంది. అసలు అమెరికా నుంచి రంగా ఎందుకు వచ్చాడు మేఘా ఎలా పరిచయం అయ్యింది ఇవన్ని వెండితెరపై చూడాల్సిందే.
మీరు ఫస్ట్ లుక్ లో చూసిన దేవదాస్ స్టిల్ కి కథకు ఒక బలమైన కనెక్షన్ ఉంటుంది, మందు బాటిల్-కుక్క కామన్ కాని అక్కడ పుస్తకం ఎందుకు ఉంది అనేది మాత్రం సస్పెన్స్. ఇప్పుడే చెప్తే కిక్ పోతుంది. నాకు కృష్ణ చైతన్య ఏరా పోరా అని పిలుచుకునేంత చనువు ఉన్న ఫ్రెండ్. అందుకే షూటింగ్ చాలా హాయిగా గడిచిపోయింది. త్రివిక్రమ్-పవన్ పేర్లకు దెబ్బ పడకుండా స్క్రిప్ట్ విషయంలో చాలా జాగ్రత్తలు తీసుకున్నాం. 8 నెలల క్రితమే తమన్ దీని కోసం ఎన్నో ట్యూన్స్ ఇస్తే అందులో బెస్ట్ తీసుకున్నాం. అందుకే ఇంత రెస్పాన్స్ వస్తోంది. లవ్ స్టొరీ ఎప్పుడైనా మామూలుగానే ఉంటుంది. కాని కొత్త కాంబినేషన్ పాత్రలతో ఎలా పండించవచ్చో ఇందులో చూస్తారు. లిజి - రావు రమేష్ - సత్య అందరితో చేయటం చాలా ఫ్రెష్ గా అనిపిస్తుంది. ఇప్పటి దాకా కామెడీ పరంగా గుండె జారి గల్లంతయ్యిందే టాప్ ప్లేస్ లో ఉంది. దానికి పదింతలు చల్ మోహనరంగాలో చూస్తారు. ఇంతకు మించి చెప్పడం భావ్యం కాదు.
ఇదండీ చల్ మోహనరంగా గురించి నితిన్ అంతరంగం. కంటెంట్ మీద చాలా కాన్ఫిడెంట్ గా ఉన్న నితిన్ అది సినిమాలో కూడా ఉంటుందని గట్టి భరోసా ఇస్తున్నాడు. యూత్ ని టార్గెట్ చేసి వచ్చిన ఫుల్ ఎంటర్ టైనింగ్ లవ్ స్టొరీ ఈ మధ్య కాలంలో రాలేదు కనక చల్ మోహనరంగాకు రేపు వాళ్ళ నుంచే భారీ రెస్పాన్స్ రావడం ఖాయంగా ఉంది. పవన్ ఫాన్స్ కూడా తమ హీరో ప్రొడ్యూసర్ గా ఉన్న మూవీ కాబట్టి చూసేందుకు రెడీ అవుతున్నారు.
