నితిన్‌ తో ముగ్గురు పోటీప‌డుతున్నారు

నితిన్ హీరోగా న‌టించిన‌ కొరియ‌ర్‌ బోయ్ క‌ళ్యాణ్ సెప్టెంబర్ 17న రిలీజ‌వుతోంది. ఓ రెండేళ్ళ డిలే తరువాత ఇప్పుడు అన్నీ సెట్టయ్యి సినిమా ధియేటర్ల లోకి వస్తోంది. గౌత‌మ్ మీన‌న్ శిష్యుడు ప్రేమ్ సాయి ఈ చిత్రానికి ద‌ర్శ‌క‌త్వం వ‌హించాడు. సినిమా బాగా వ‌చ్చింది. హిట్ కొడ‌తాం అంటూ నిర్మాత గౌత‌మ్ మీన‌న్‌ ప్ర‌చారం చేస్తున్నారు. నితిన్‌, ప్రేమ్‌, గౌత‌మ్ ప్ర‌స్తుతం ప్ర‌మోష‌న్ బిజీలో ఉన్నారు. అయితే ఈ సినిమా రిలీజ‌య్యే రోజు రెండు కోలీవుడ్ సినిమాలు పోటీ కొస్తున్నాయి. వీటి ఇంపాక్టు కాస్త గట్టిగానే ఉండొచ్చు.

న‌య‌న‌తార క‌థానాయిక‌గా న‌టించిన‌ మ‌యూరి సూప‌ర్భ్ క్రేజు తో తెలుగులో రిలీజవుతోంది. న‌య‌న్ మునుపెన్న‌డూ క‌నిపించ‌నంత కొత్త‌గా క‌నిపించ‌బోతోంది ఈ చిత్రంలో. అస‌లే హార‌ర్ జోన‌ర్ కాబ‌ట్టి రేసులో జోరుగానే ఉంటుంద‌ని చెబుతున్నారు. ఈ మధ్య కాలంలో హారర్‌ సినిమాలు తెలుగులో సూపర్‌ హిట్‌ అవుతుండటంతో మయూరి సినిమాకు క్రేజ్‌ ఓ రేంజులో ఉందంతే. దానితో నయనకు కాస్త క్రేజ్‌ బాగానే ఉంది కాబట్టి, కాస్త గాట్టి ఓపెనింగులు వచ్చే ఛాన్సుందిలే. అలాగే మ్యూజిక్ డైరెక్ట‌ర్ ట‌ర్న్‌డ్ హీరో జీవీ ప్ర‌కాష్ ఓ రొమాంటిక్ కామెడీలో న‌టించాడు. త్రిష లేదా న‌య‌న‌తార అనేది టైటిల్‌. ఈ సినిమా టీజ‌ర్‌ కి మాస్ స‌హా యూత్ నుంచి విప‌రీత‌మైన క్రేజు వ‌చ్చింది. ఇది కూడా 17నే వస్తోంది.

చూస్తుంటే.. మల్టీ ప్లెక్సుల్లో మయూరి, మాస్‌ లో త్రిష లేదా నయనతార.. నితిన్‌ ను కాస్త ఇబ్బంది పెడతాయేమో అనిపిస్తోంది. వెయిట్‌ అండ్‌ సి.