నితిన్ సినిమాను బయటికి తీస్తున్నారా?

వరుసగా 14 ఫ్లాపులు ఎదురైనా హీరోగా నిలబడ్డాడు నితిన్. బహుశా గత రెండు మూడు దశాబ్దాల్లో ఏ హీరో కూడా నితిన్ లాగా పుంజుకుని ఉండడేమో. సెకండ్ ఇన్నింగ్స్ లో సినిమాల్ని చాలా జాగ్రత్తగా ప్లాన్ చేసుకుంటూ వస్తున్నాడు నితిన్. ఇష్క్ - గుండెజారి గల్లంతయియ్యిందే - హార్ట్ అటాక్ సినిమాలతో హ్యాట్రిక్ కొట్టి.. చిన్నదాన నీకోసం లాంటి మోడరేట్ సక్సెస్ తర్వాత తర్వాతి ప్రాజెక్టు కోసం టైం తీసుకుంటున్నాడు. ఐతే హార్ట్ అటాక్ తో పాటే మొదలై ఎప్పుడో షూటింగ్ పూర్తి చేసుకున్న ‘కొరియర్ బాయ్ కళ్యాణ్’ దాదాపు రెండేళ్లుగా విడుదల కోసం ఎదురు చూస్తున్నా దాన్ని బయటికి తీసుకురాలేకపోతున్నాడు నితిన్.

ఇప్పటికి రెండు మూడుసార్లు సినిమా బయటికొచ్చినట్లే వచ్చి కనుమరుగైంది. ఐతే ఈసారి ఎట్టిపరిస్థితుల్లోనూ సినిమాను బయటపడేయాలని చూస్తున్నాడట నితిన్. గౌతమ్ మీనన్ ఈ సినిమాకు నిర్మాత అన్న సంగతి తెలిసిందే. ఆయన ఆర్థిక సంక్షోభంలో చిక్కుకోవడంతో ఆ ప్రభావం కొరియర్ బాయ్ మీద పడింది. ఐతే ఈ మధ్యే సంక్షోభం నుంచి బయటపడ్డాడు గౌతమ్. నితిన్ కూడా ఓ చేయి వేస్తుండటంతో ‘కొరియర్ బాయ్ కళ్యాణ్’కి లైన్ క్లియిరైనట్లు తెలుస్తోంది. త్రివిక్రమ్ తో సినిమా మొదలై పూర్తవడానికి చాలా టైం పడుతుంది కాబట్టి.. మరీ ఎక్కువ గ్యాప్ రాకుండా మధ్యలో ‘కొరియర్ బాయ్ కళ్యాన్’ ని వదలాలని చూస్తున్నాడు నితిన్. యామి గౌతమ్ కథానాయికగా నటించిన ఈ సినిమాకు ప్రభుదేవా దగ్గర పనిచేసిన ప్రేమ్ సాయి డైరక్టర్. ప్లే బాక్ సింగర్ కార్తీక్ సంగీత దర్శకుడు.