కుర్ర హీరోకి స్పెషల్ !

టాలీవుడ్ యంగ్ హీరోల్లో ఒకడైన నితిన్ కు ఈ ఏడాది చాలా స్పెషల్. దీనికి మూడు రీజన్ ఉన్నాయి. అందులో ఒకటి నితిన్ నుండి ఈ ఏడాది మూడు సినిమాలు థియేటర్స్ లోకి రాబోతున్నాయి. ఇదే నెలలో 'భీష్మ' వస్తుంటే మరో రెండు మూడు నెలల్లో 'రంగ్ దే' రానుంది. ఇక ఈ ఏడాదిలోనే చంద్ర శేఖర్ ఏలేటి డైరెక్షన్ లో నటిస్తున్న సినిమా కూడా రిలీజవుతుంది. లాస్ట్ ఇయర్ గ్యాప్ తర్వాత ఇలా వరుసపెట్టి మూడు సినిమాలు చేస్తూ 2020 ను స్పెషల్ గా భావిస్తున్నాడు.

ఇక రెండో రీజన్ నితిన్ ఓ హిట్ కావాలి. 'అ ఆ' తర్వాత మళ్ళీ నితిన్ హిట్ కొట్టలేదు. సో ఈ ఇయర్ మూడు సినిమాలతో హిట్స్ అందుకోవాలని చూస్తున్నాడు. మూడు సినిమాల మీద కాన్ఫిడెన్స్ గా ఉన్నాడు. సో నితిన్ వీటితో కనీసం ఒక్క హిట్ అయినా కొట్టకపోడు.

మూడో రీజన్ పెళ్లి. అవును మొన్నటి వరకూ మోస్ట్ ఎలిజిబుల్ బ్యాచిలర్ లిస్టులో ఉన్న నితిన్ అందులో నుండి బయటికొచ్చి ఈ ఇయర్ లో పెళ్లి పీటలు ఎక్కబోతున్నాడు. ఇటివలే శాలినితో ఎంగేజ్ మెంట్ చేసుకున్న నితిన్ ఏప్రిల్ 16 న పెళ్లి చేసుకొని తన బ్యాచిలర్ లైఫ్ కి గుడ్ బై చెప్పి ఫ్యామిలీ మెన్ అవ్వబోతున్నాడు. సో ఈ మూడు రీజన్స్ తో నితిన్ కి ఈ ఇయర్ ఎంతో స్పెషల్ కానుంది.