మళ్లీ మాస్‌ వారిని పలకరిస్తాడటగా...

వరుస పెట్టి మాస్‌ సినిమాలు చేసి.. మాస్‌ స్టార్‌ అవుదామనుకున్న నితిన్‌ ఆశలపై అప్పట్లో ప్రేక్షకులు నీళ్ళు పోశారు. అందుకే మనోడు ఆ మాస్‌ ఎలిమెంట్స్‌ మనోడు వదిలేసి.. చక్కగా క్లాస్‌ సినిమాల మీద పడ్డాడు. అప్పట్లో అందరూ అది చూసి.. హమ్మయ్యా బాబు కళ్ళు తెరిచాడు అనుకున్నారు. కాని మళ్ళీ రూటు మార్చేలా ఉన్నాడిప్పుడు.

ఇష్క్ సినిమాతో సెకండ్‌ లైఫ్‌ కొట్టేసిన నితిన్‌.. ఆ తరువాత అసలు మాస్‌ సినిమా చేస్తే ఒట్టు. దాని కారణంగా.. అసలు తెలంగాణ మెగాస్టార్‌ కాదు కదా.. కనీసం మొత్తం టాలీవుడ్‌ లో కలిపి మనోడిని ఎటువంటి మాస్‌ స్టారూ అనట్లేదు. హార్ట్‌ ఎటాక్‌ వంటి సినిమాలో స్టయిలిష్‌ గా కనిపించాడే తప్ప.. మాస్‌ ప్రయత్నించలేదు. ఇదిగో ఇప్పుడు మాత్రం.. మాస్‌ సినిమాలు చేయాల్సిన తరుణం వచ్చిందని అనుకుంటున్నాడట. అ..ఆ రిలీజవ్వగానే.. కొన్నాళ్ళు క్లాస్‌ మూవీలకు స్వస్తి పలికేసి.. వెంటనే మాస్‌ లోకి దూకేయాలని చూస్తున్నాడు. ఆల్రెడీ సంపత్‌ నంది చెప్పిన ఒక కథ నచ్చడంతో.. మనోడు ఆ సినిమాను త్వరగా పట్టాలెక్కించే ప్లానులో కూడా ఉన్నట్లు తెలుస్తోంది.

ఇకపోతే అ..ఆ రిలీజ్‌ డేట్‌ ఎప్పుడు మ్యాష్టారూ?? బ్రహ్మోత్సవం రిజల్టు చూస్తే కాని.. వీళ్లు డేటు చెప్పేలా లేరే.