#నితిన్25 ఎంతవరకు వచ్చిందమ్మా..

తెలుగు చిత్ర పరిశ్రమలో తనకంటూ ఓ గుర్తింపు తెచ్చుకున్న స్టైలిష్ హీరో నితిన్ నెక్స్ట్ సినిమా ఎప్పుడు వస్తుందా అని ఆయన అభిమానులతో పాటు పవన్ కళ్యాణ్ అభిమానులు కూడా ఎదురుచూస్తున్నారు. ఎందుకంటే నితిన్ పవర్ స్టార్ ని ఎంతగా ఇష్టపడతాడో ప్రత్యేకంగా చెప్పనక్కర్లేదు. తను కూడా ఒక సాధారణ అభిమానుల పవన్ సినిమాలను ఇష్టపడతాడు. దీంతో పవన్ ఫ్యాన్స్ ప్రేమ అతనిపై కూడా చాలానే ఉంటుంది. దీంతో నితిన్ సినిమాలకు కూడా పవన్ ఫ్యాన్స్ కటౌట్స్ కనిపిస్తుంటాయి.

ఇక అసలు విషయానికి వస్తే.. పవర్ స్టార్ ప్రొడక్షన్ లో నితిన్ తన 25వ సినిమాను చేస్తోన్న సంగతి తెలిసిందే. అయితే తెలియకుండానే ఆ సినిమా షూటింగ్ చాలా వేగంగా అయిపోయింది. ఒక పాట మూడు రోజుల ప్యాచ్ వర్క్ అయిపోతే సినిమా మొత్తంగా పూర్తవుతుంది. సోషల్ మీడియా ద్వారా నితిన్ ఈ విషయాన్ని అభిమానులకు తెలిపాడు. అంతే కాకుండా అందరు ఫస్ట్ లుక్ అండ్ టైటిల్ ను అడుగుతున్నారు అని త్వరలోనే ఆ వివరాలు అన్ని తెలుస్తాయని నితిన్ తెలిపాడు.

ఇక పవన్ కళ్యాణ్ ప్రొడక్షన్ పీకే క్రియేటివ్ వర్క్ బ్యానర్ లో ఇది మొదటి సినిమా కావడం విశేషం. దీంతో అభిమానుల్లో భారీ అంచనాలు నెలకొన్నాయి. అలాగే నితిన్ హోమ్ ప్రొడక్షన్ శ్రేష్ట్ మూవీస్ కూడా సినిమా నిర్మాణంలో భాగం కానుంది. రౌడీ ఫెలో డైరెక్టర్ కృష్ణ చైతన్య ఈ సినిమాకు దర్శకత్వం వహిస్తున్నాడు. మరి ఈ సినిమా గురించి త్వరలో నితిన్ ఎలాంటి డీటెయిల్స్ ని బయటపెడతాడో చూడాలి.