అరెరే కీర్తి! నోటికందిన‌ట్టే అంది జారిపోయిన పిజ్జా!!

`రంగ్ దే` టీమ్ ప్ర‌చారంలో స‌రికొత్త ఒర‌వ‌డితో దూసుకుపోతున్న సంగ‌తి తెలిసిందే. ఆన్ లొకేష‌న్ మొద‌లైన అన్ లిమిటెడ్ ఫ‌న్ నాటి నుంచి అంత‌కంత‌కు రెట్టింపు అవుతోందే కానీ త‌గ్గ‌డం లేదు. నితిన్ - కీర్తి జోడీ ఈ సినిమాకి క్రియేటివ్ పంథాలో బోలెడంత ప్ర‌చారం చేశారు. రొమాన్స్ ఫ‌న్ జోడించి నాయకానాయిక‌లు చేస్తున్న సంద‌డి మామూలుగా లేదు. ఆ వీడియో క్లిప్స్ అన్నీ అభిమానుల్లో వైర‌ల్ గా మారుతున్నాయి.

ఈ సిరీస్ లో మ‌రో క్లిప్ వెబ్ లో దూసుకెళుతోంది. ఓ షాపింగ్ మాల్ ఈట‌రీ వ‌ద్ద రిలాక్స్ డ్ గా కూచున్న నితిన్ - కీర్తి జంట మ‌ధ్య బోలెడంత ఫ‌న్ జ‌న‌రేట్ అయ్యింది. అక్క‌డ ఆర్డ‌ర్ చేసిన పిజ్జా రెడీగా టేబుల్ పై ఉంది. ఓవైపు చిప్స్ తింటున్న కీర్తి క‌ళ్ల‌న్నీ ఆ పిజ్జా పైనే. ఇంత‌లోనే నితిన్ ఆ పిజ్జా నుంచి ఒక పీస్ చేత్తో తీసాడు. కీర్తి నోటికి అందించే ప్ర‌య‌త్నం చేశాడు. నాలుక వ‌ర‌కూ వ‌చ్చేసింది. కానీ ఇంత‌లోనే చేజారింది.

ఆ త‌ర్వాత ఆ పిజ్జాని కీర్తి అలా వ‌దిలేసిందా? అంటే ఏం చేసిందో ఇదిగో ఈ వీడియో చూస్తే మీకే అర్థ‌మ‌వుతుంది. పిజ్జాతో రంగ్ దే జంట రొమాన్స్ అదుర్స్ అంటూ ఫ్యాన్స్ ఈ వీడియోని వైర‌ల్ చేస్తున్నారు. రంగ్ దే ఈనెల 26న ప్ర‌పంచ‌వ్యాప్తంగా విడుద‌ల‌వుతోంది. ఈ సంద‌ర్భంగా ప్ర‌చారం పీక్స్ కి చేరుకుంది. వెంకీ అట్లూరి ద‌ర్శ‌క‌త్వంలో సితార ఎంట‌ర్ టైన్ మెంట్స్ సంస్థ ఈ చిత్రాన్ని నిర్మిస్తోంది.