ఇంతకు రష్మిక కుక్క బిస్కట్స్‌ తింటుందా? లేదా?

నితిన్‌ హీరోగా నటించిన భీష్మ చిత్రం ఈ వారం ప్రేక్షకుల ముందుకు రాబోతుంది. ఈ చిత్రంలో హీరోయిన్‌ గా నటించిన ముద్దుగుమ్మ రష్మిక గురించి ఒక వార్త గత రెండు మూడు రోజులుగా మీడియాలో తెగ వైరల్‌ అవుతుంది. అదేంటి అంటే ఈ అమ్మడు చాలా ఇష్టంగా కుక్క బిస్కట్స్‌ తింటుందట. ఒక ఇంటర్వ్యూలో ఆమె గురించిన విషయాన్ని నితిన్‌ లీక్‌ చేశాడు అంటూ ఎక్కడ చూసినా కూడా ఇవే వార్తలు కనిపించడంతో నిజంగానే రష్మిక కుక్క బిస్కట్స్‌ తింటుందా అనే చర్చ మొదలైంది.

ఇక నిన్న జరిగిన భీష్మ ప్రీ రిలీజ్‌ ఈవెంట్‌ లో కూడా నితిన్‌ మాట్లాడుతూ రష్మిక గ్లామర్‌ కు రహస్యం ఆమె తినే ఆహారం అంటూ నవ్వేశాడు. ఆ సమయంలో రష్మిక తాను వాటిని తినను అన్నట్లుగా సైగ చేసింది. ఆయన మాటలు నమ్మవద్దంటూ రష్మిక సైగలతో చెప్పే ప్రయత్నం చేసింది. కాని ఇప్పటికే ఆమె ఆ బిస్కట్స్‌ తింటుందనే వార్త దావాణంలా వ్యాప్తి చెందింది. ఇప్పుడు ఆమె నో అని చెప్పినా కూడా వినే పరిస్థితుల్లో జనాలు లేరు.

ఈ సమయంలో కొందరు మాత్రం ఇంతకు రష్మిక కుక్క బిస్కట్స్‌ తింటుందా లేదంటే నితిన్‌ సరదాగా ఆమెను ఆట పట్టిస్తున్నాడా అంటూ ఎంక్వౌరీ చేసేందుకు ప్రయత్నిస్తున్నారు. చాలా మంది రష్మిక మరియు నితిన్‌ ట్విట్టర్‌ అకౌంట్స్‌ లో కుక్క బిస్కట్ల విషయం నిజమేనా లేదంటే సినిమా ప్రమోషన్‌ కోసం అలా సరదాగా ఏమైనా చేస్తున్నారా అంటూ ప్రశ్నిస్తున్నారు. కాని ఇప్పటి వరకు వారి నుండి ఎలాంటి స్పందన అయితే రాలేదు.