అఖిల్ లానే వ‌రుణ్ ఫ్రెండు అందుక‌ని!

తెలుగు సినిమా ట్రెండ్ మారింది. ఒక‌రి కోసం ఒక‌రు అన్న తీరుగా సినిమా విజ‌యానికి హీరోల‌ సాయాలు కంటిన్యూ అవుతున్నాయి. స్టార్ హీరోలు మ‌ల్టీస్టారర్ల‌కు అంగీక‌రిస్తున్నారు. అలాగే మ‌న యువ‌హీరోలు అతిధి పాత్ర‌ల్లో క‌నిపిస్తూ క్రేజు పెంచే ప్ర‌య‌త్నం చేస్తున్నారు. కొంద‌రు స్నేహం కోసం సాయానికి ముందుకొస్తుండ‌డం ఆస‌క్తిక‌రం.

హీరో నితిన్ స్నేహం కోసం అఖిల్ డెబ్యూ చిత్రానికి నిర్మాత అయ్యాడు. అలాగే త‌న‌తో సింక్ అయ్యి న‌టించే న‌టుల‌కు రిపీటెడ్ గా అవ‌కాశాలిస్తుంటాడు. తాజాగా మెగాప్రిన్స్ వ‌రుణ్ తేజ్ న‌టించిన వాల్మీకి చిత్రంలో స‌ర్ ప్రైజ్ ట్రీట్ ఇవ్వ‌బోతున్నాడ‌ట‌. ఈ సినిమాలో నితిన్ ఓ అతిధి పాత్ర‌లో త‌ళుక్కున మెర‌వ‌బోతున్నార‌ట‌. ఈ విష‌యాన్ని స్వయంగా వరుణ్ తేజ్ తెలిపారు. ``వాల్మీకిలో అతిథి పాత్రలో కనిపించిన మా `భీష్మ`కు ధన్యవాదాలు. లవ్ యూ డార్లింగ్`` అని ట్వీట్ చేస్తూ నితిన్ తో క‌లిసి ఉన్న‌ప్ప‌టి ఫోటోని షేర్ చేశారు. ``వాల్మీకి సినిమాలో భాగమైనందుకు సంతోషంగా ఉంది. సెప్టెంబరు 20న గత్తర్ లేపాలె.. ఆల్ ది బెస్ట్`` అని ప్ర‌తి ట్వీట్ చేశారు నితిన్. ఇంత‌కీ నితిన్ చేస్తున్న పాత్ర ఏది? ఇందులో అద‌ర్వ వేరొక కీల‌క పాత్ర చేస్తున్నాడు క‌దా! అన్న సందేహం వ‌స్తే.. త‌మిళ వెర్ష‌న్ జిగ‌ర్తాండ‌లో విజ‌య్ సేతుప‌తి చేసిన పాత్ర‌లో నితిన్ క‌నిపించనున్నాడ‌ని తెలుస్తోంది.

ఒక గ్యాంగ్ స్ట‌ర్ జీవితంలోని ప‌రివ‌ర్త‌న‌తో తీసిన చిత్రం వాల్మీకి. వ‌రుణ్ తేజ్ - హ‌రీష్ జోడీ ఈ సినిమాపై భారీ అంచ‌నాలు పెట్టుకున్నారు. ట్రైల‌ర్ లో నెగెటివ్ షేడ్ ఉన్న పాత్ర‌లో వ‌రుణ్ లుక్ .. హావ‌భావాలు ఆక‌ట్టుకున్నాయి. ఈనెల 20న సినిమా రిలీజ‌వుతోంది. వ‌రుణ్ - నితిన్ మ‌ల్టీస్టారర్ అన‌లేం కానీ.. ఇద్ద‌రు ఫ్రెండ్స్ క‌లిసి న‌టించిన సినిమా ఇద‌ని చెప్పొచ్చు.