తన హీరోయిన్ కనిపించలేదన్న హీరో.. పోలీసులు ఏమన్నారంటే??

తెలుగు ఇండస్ట్రీకి నేనుశైలజ అనే సినిమాతో పరిచయమైంది కీర్తిసురేష్. తర్వాత మహానటి సినిమాతో ఒక్కసారిగా నేషనల్ అవార్డు అందుకొని నేషనల్ వైడ్ క్రేజ్ సంపాదించుకుంది. అప్పటినుండి వరుసగా చేతినిండా సినిమాలతో బిజీబిజీగా మారిపోయింది. ఇటు తెలుగు మాత్రమే కాకుండా అటు తమిళ మలయాళం సినిమాల్లో కూడా నటిస్తోంది. స్టార్ హీరోలతో కమర్షియల్ సినిమాలు చేసుకుంటూనే.. అప్పుడప్పుడు లేడీ ఓరియెంటెడ్ సినిమాలు కూడా చేస్తోంది. ప్రస్తుతం కీర్తి చేతిలో చాలా సినిమాలే ఉన్నాయి. ప్రస్తుతం అమ్మడు నటించిన రంగ్ దే సినిమా విడుదలకు రెడీ అయింది. యంగ్ హీరో నితిన్ సరసన నటించిన ఈ సినిమాకు వెంకీ అట్లూరి దర్శకత్వం వహించాడు.

వచ్చేవారం ఈ సినిమా ప్రేక్షకుల ముందుకు రానుంది. ఇటీవలే ఈ సినిమా టీజర్ ట్రైలర్ ను రిలీజ్ చేశారు చిత్రయూనిట్. ట్రైలర్ తో సినిమా పై భారీ అంచనాలు నమోదయ్యాయి. ఇదిలా ఉండగా.. కీర్తి సురేష్ కనిపించడం లేదని నితిన్ సోషల్ మీడియాలో పోస్ట్ చేయడం ఆశ్చర్యం కలిగిస్తుంది. కీర్తిసురేష్ చిన్నప్పటి ఫోటోను సోషల్ మీడియాలో పోస్ట్ చేసిన నితిన్ మిస్సింగ్.. కనబడుటలేదు.. డియర్ అను.. నువ్వు ఎక్కడ ఉన్న రంగ్ దే ప్రమోషన్స్ లో జాయిన్ అవ్వాలని మా కోరిక. ఇట్లు నీ అర్జున్” అని రాసుకొచ్చాడు. ఇప్పుడు ఈ పోస్ట్ నెట్టింట తెగవైరల్ అవుతుంది. అయితే ఈ పోస్ట్ పై హైదరాబాద్ సిటీ పోలీసులు స్పందించడం గమనార్హం. 'డోంట్ వర్రీ.. నితిన్. మేము చూసుకుంటాం' అంటూ పోలీసులు బదులిచ్చారు. అయితే తాజాగా నితిన్ కీర్తిని ఆటపట్టించడం కోసమే ఈ పోస్ట్ చేసాడు. రంగ్ దే సినిమా ఈ నెల 28న ప్రేక్షకుల ముందుకు రానుంది.