కుర్ర హీరో ఎక్కడ తగ్గట్లేదే

ఈ ఇయర్ యంగ్ హీరోలందరూ రెండు సినిమాలతో థియేటర్స్ కి రావాలని చూస్తుంటే నితిన్ మాత్రం నాలుగు సినిమాలు రెడీ చేస్తున్నాడు. అవును గతేడాది ఈ హీరో నుండి ఒక్క సినిమా కూడా రాలేదు. అందుకే వచ్చిన గ్యాప్ మరిచిపోయేలా ఫ్యాన్స్ కి చబుల్ ట్రీట్ ఇవ్వబోతున్నాడు నితిన్. గతేడాది మూడు సినిమాలు అనౌన్స్ చేసి అందరికీ షాక్ ఇచ్చిన నితిన్ ఇప్పుడు మరో సినిమాను లైన్ లో పెట్టాడు.

ఏడాది భీష్మతో భీష్మారాంబం చేసిన నితిన్ సమ్మర్ ఎండింగ్ కళ్ళా 'రంగ్ దే' సినిమాతో థియేటర్స్ లోకి వస్తున్నాడు. శరవేగంగా షూటింగ్ జరుపుకుంటున్న ఈ లవ్ స్టోరీ తో మరోసారి ప్రేక్షకులను ప్రేమలో పడేయాలని చూస్తున్నాడు. ఈ సినిమా తర్వాత రెండు మూడు నెలలు గ్యాప్ ఇచ్చి 'చెక్' సినిమాతో వస్తున్నాడు. చంద్ర శేఖర్ ఏలేటి డైరెక్షన్ లో తెరకెక్కుతున్న ఈ సినిమా సెప్టెంబర్ లో వినాయక చవితి కానుకగా రిలీజ్ కానుంది.

ఇలా వరుసగా మూడు సినిమాలు రిలీజ్ చేయాలని డిసైడ్ అయిన యూత్ స్టార్ తాజాగా మరో సినిమాను స్టార్ట్ చేసాడు. మేర్లపాక గాంధి డైరెక్షన్ లో 'అంధాదున్' రీమేక్ ను లాంచ్ చేసేసాడు. ఇప్పటికే ప్రీ ప్రొడక్షన్ ఫినిష్ చేసుకున్న ఈ సినిమా త్వరలోనే సెట్స్ పైకి వెళ్లనుంది. ఈ సినిమాతో డిసెంబర్ లో థియేటర్స్ లోకి వచ్చి నాలుగు సినిమాలతో 2020 ఎండ్ చేయాలని చూస్తున్నాడు నితిన్.