నితిన్ క్యూలో అంతా యువ కిశోరాలే!

భీష్మ స‌క్సెస్ తో నితిన్ లో ఎన‌ర్జీ ఫ్ల‌డ్ గేట్స్ తెరుచుకున్నాయి. ఇక ప్ర‌వాహానికి అంతూ ద‌రీ ఉండ‌దు. ఇప్ప‌టికే జ‌యాప‌జ‌యాల‌తో సంబంధం లేకుండా ఎదురేలేని కెరీర్ సాగిస్తున్నాడు. వ‌రుస ఫ్లాపులున్నా త‌ట్టుకున్న వాడిగా .. ఎదురీది గెలిచేవాడిగా పేరు తెచ్చుకుంటున్నాడు. ప‌ద‌హారు ఫ్లాపుల త‌ర్వాత ఇష్క్ తో హిట్టు కొట్టిన‌ప్ప‌టి ఎమోష‌న్ ఇంకా గుర్తిండే ఉంటుంది. ఇప్పుడు మూడు నాలుగు ఫ్లాపుల త‌ర్వాత భీష్మ‌తో హిట్టు కొట్టి సేమ్ ఎమోష‌న్ ఫీల‌వుతున్నాడని అర్థ‌మ‌వుతోంది.

ఏదైతేనేం.. బ్లాక్ బ‌స్ట‌ర్ కొట్టిన నితిన్ ఇప్పుడు ఎవ‌రికి అవ‌కాశం ఇవ్వ‌బోతున్నాడు? అంటే అత‌డి జాబితాలో న‌లుగురు ద‌ర్శ‌కులు ఉన్నారు. యంగ్ డైన‌మైట్స్ వెంకీ అట్లూరి- మేర్లపాక గాంధీ- కృష్ణ చైత‌న్య‌ల‌తో వ‌రుస‌గా సినిమాలు చేయ‌నున్నాడు. అలాగే సీనియ‌ర్ చంద్ర శేఖ‌ర్ ఏలేటితోనూ ఓ సినిమా చేస్తున్న సంగ‌తి తెలిసిందే.

ఇదిగో ఈ వ‌రుస‌లో భీష్మ డైరెక్ట‌ర్ వెంకీ కుడుముల‌తో పాటు వెంకీ అట్లూరి- మేర్లపాక గాంధీ- కృష్ణ చైత‌న్య ఉన్నారు. త‌న ద‌ర్శ‌కుల‌తో ఇలా ఠీవిగా ఫోజిచ్చిన నితిన్ భ‌విష్య‌త్ కెరీర్ పై బోలెడ‌న్ని హోప్స్ తో ఉన్నాడు. ఇక వెంకీ అట్లూరి తొలి ప్రేమ‌తో హిట్టు కొట్టి మిస్ట‌ర్ మ‌జ్నుతో ఫ్లాప‌య్యాడు. ప్ర‌స్తుతం నితిన్ కోస‌మే వెయిటింగ్. అలాగే మేర్ల‌పాక `వెంక‌టాద్రి ఎక్స్ ప్రెస్` త‌ర్వాత హిట్టు లేక వెయిటింగ్. రౌడీ ఫెలో తో హిట్టు కొట్టి `ఛ‌ల్ మోహ‌న్ రంగ‌`తో ఫ్లాపయ్యాడు. అయితే వీళ్లంద‌రూ నితిన్ కి గుడ్ ఫ్రెండ్స్. స్నేహితుల‌కు అవ‌కాశాలిచ్చి ప్రోత్స‌హిస్తున్నాడు కాబ‌ట్టి ఆ న‌మ్మ‌కం నిల‌బెట్టే హిట్టిస్తారనే ఆశిద్దాం.