నితిన్ కోసం పవన్ ట్వీటేసిండు

హీరో నితిన్ తాజా సినిమాను పవన్ కళ్యాణ్‌ తన పికె క్రియేటివ్ వర్క్స్ బ్యానర్ పై రూపొందిస్తున్న సంగతి తెలిసిందే. ఈ సినిమాను తన స్నేహితుడు మరియు దర్శకుడు అయిన త్రివిక్రమ్ మరియు శ్రేష్ఠా మూవీస్ తో కలసి.. పవన్ నిర్మిస్తున్నాడు. లిరిక్ రైటర్ కృష్ణ చైతన్య డైరక్షన్లో రూపొందుతున్న ఈ సినిమా ఫస్ట్ లుక్ నిజానికి సోమవారం నాడు రిలీజ్ అవ్వాలి. అయితే ఇప్పుడు ఆ విషయంలో చిన్న మార్పు ఉందంటూ పవన్ కళ్యాణ్‌ స్వయంగా ఒక ట్వీటేశాడు.

ఒక ప్రక్కన పాలిటిక్స్ తో బిజీగా ఉన్న జనసేనాని.. నితిన్ సినిమా ఫస్ట్ లుక్ రేపు (ఆదివారం) రిలీజ్ అవ్వనున్నట్లు ట్వీట్ చేసి తెలిపాడు. నిజానికి రేపు ఆదివారం అయినా కూడా.. ఏకాదసి కావడంతో మంచి రోజని రేపు ఉదయం 9.30 గంటలకు ఫస్ట్ లుక్ రిలీజ్ చేస్తున్నారట. ఈ సినిమా టైటిల్ కూడా రేపే ప్రకటిస్తారు. ఇప్పటికే ఈ సినిమా కోసం త్రివిక్రమ్ రాసిన స్టోరీ చాలా బాగా ఉందనే పాజిటివ్ హైప్ మార్కెట్లో ఉంది. తన సొంత సినిమాలకు మాత్రం కమర్షియల్ మసాలా కథలను రాస్తున్న త్రివిక్రమ్.. ఈ సినిమా కోసం ఒక మాంచి లవ్ స్టోరీ రాశాడట. కొద్దీ సేపు ఇండియాలో కొద్ది సేపు అమెరికాలో జరిగే ఈ ప్రేమకథలో నితిన్ సరసన మేఘా ఆకాష్ నటిస్తోంది. గతంలో వీరు 'లై' సినిమాలో కలసి నటించారు.

ఇకపోతే ఫిబ్రవరి 14న వాలెంటైన్స్ డే సందర్బంగా రిలీజ్ అవ్వనున్న ఈ సినిమా టీజర్ కోసం థమన్ మంచి బ్యాక్ గ్రౌండ్ మ్యూజిక్ ఇచ్చాడట. అసలు ఈ సినిమా టైటిల్ కాని.. సినిమాటోగ్రాఫర్ నట్టి అందించిన విజువల్స్ కాని ఒక రేంజులో ఉన్నాయని తెలుస్తోంది. చూద్దాం మరి.