ఇంట్రెస్టింగ్ ప్రీ-లుక్ తో '#NITHIN30' టైటిల్ - ఫస్ట్ లుక్ అనౌన్సమెంట్..!

యూత్ స్టార్ నితిన్ హిందీ సూపర్ హిట్ మూవీ 'అంధాదున్' తెలుగు రీమేక్ లో నటిస్తున్న సంగతి తెలిసిందే. యువ దర్శకుడు మేర్లపాక గాంధీ ఈ చిత్రానికి దర్శకత్వం వహిస్తున్నాడు. రాజ్ కుమార్ ఆకెళ్ల సమర్పణలో శ్రేష్ఠ మూవీస్ బ్యానర్ పై ఎన్.సుధాకర్ రెడ్డి - నికిత రెడ్డిలు ఈ చిత్రాన్ని నిర్మిస్తున్నారు. నితిన్ కెరీర్ లో 30వ సినిమాగా వస్తున్న ఈ రీమేక్ లో ఇస్మార్ట్ బ్యూటీ న‌భా న‌టేష్ హీరోయిన్ గా నటిస్తుండగా.. మిల్కీ బ్యూటీ తమన్నా కీలక పాత్ర పోషిస్తోంది. నితిన్ ఇందులో పియానో ప్లేయర్‌ గా కనిపించనున్నాడు. 'రంగ్ దే' సక్సెస్ జోష్ లో ఉన్న యూత్ స్టార్.. 'నితిన్30' ఫస్ట్ లుక్ మరియు టైటిల్ రిలీజ్ చేయడానికి రెడీ అయ్యాడు.

'#NITHIN30' టైటిల్ మరియు ఫస్ట్ లుక్ పోస్టర్ ని రేపు మంగళవారం (మార్చి 30) ఉదయం 12 గంటలకు విడుదల చేయనున్నట్లు మేకర్స్ వెల్లడించారు. ఈ సందర్భంగా వదిలిన నితిన్ ప్రీ లుక్ ఇంట్రెస్టింగ్ గా ఉంది. పియానో ప్లే చేస్తున్న నితిన్ బ్యాక్ సైడ్ లుక్ కనిపిస్తుండగా.. పక్కనే ఓ పిల్లి పాలు తాగుతూ కనిపిస్తోంది. ఈ చిత్రానికి మ‌హ‌తి స్వర‌సాగ‌ర్ సంగీతం స‌మ‌కూరుస్తున్నాడు. జె. యువరాజ్ సినిమాటోగ్రాఫ‌ర్‌ గా వ్యవహరిస్తున్నాడు. ప్రస్తుతం షూటింగ్ దశలో ఉన్న 'నితిన్30' చిత్రాన్ని జూన్ 11న ప్రపంచ వ్యాప్తంగా విడుదల చేయనున్నట్లు మేకర్స్ ఇదివరకే వెల్లడించారు. ఇదే కనుక జరిగితే ఇది 'చెక్' 'రంగ్ దే' తర్వాత ఈ ఏడాది ప్రథమార్థంలో నితిన్ నుంచి వస్తున్న మూడో సినిమా అవుతుంది.