బొద్దుగుమ్మే కానీ ముద్దుగానే ఉందిగా!

టాలీవుడ్ ఇండస్ట్రీలో ఆకట్టుకునే అందంతో పాటు అభినయం కలిగిన వయ్యారి భామలు తక్కువే. అందులో కొంతమంది నేమ్ ఫేమ్ వచ్చాక కనుమరుగైపోతారు. అలాంటి జాబితాలో టాలెంటెడ్ యాక్ట్రెస్ నిత్యమీనన్ కూడా ఉంటుంది. అమ్మడు 2011లో 'అలా మొదలైంది' సినిమాతో తెలుగు తెరకు పరిచయమైన ఈ బెంగుళూరు బొద్దుగుమ్మ.. క్యూట్ నటనతో తెలుగులో మంచి క్రేజ్ సంపాదించుకుంది.

కేవలం తెలుగు భాషకే పరిమితం కాకుండా తమిళ, మలయాళం, హిందీ సినిమాలతో దాదాపు అన్ని ఇండస్ట్రీలలో కాలుపెట్టేసింది. కెరీర్ లో అలా మొదలైంది, ఇష్క్, గుండెజారి గల్లంతయ్యిందే, మళ్లీమళ్లీ ఇది రానిరోజు, జనతా గ్యారేజ్, మెర్సల్ లాంటి సూపర్ హిట్స్ తన ఖాతాలో ఉన్నాయి. అయితే నిత్యామీనన్ గత కొంతకాలంగా తెలుగు సినిమాలు చేయడం లేదు. అందుకు కారణం ఆమెకు నచ్చిన పాత్రలు రాకపోవడమే అని వార్తలు వినిపిస్తున్నాయి. ఆమె చివరిగా ఎన్టీఆర్ కథానాయకుడు సినిమాలో కనిపించింది.

అయితే ఈ వయ్యారి నిజానికి కావాలని బ్రేక్ తీసుకుందట. ఎందుకంటే అమ్మడికి దర్శకత్వం వైపు ఆసక్తి ఉందని చాలాసార్లు చెప్పుకొచ్చింది. ఆ కారణంగానే లాక్ డౌన్ లో రెండు కథలను సిద్ధం చేసుకుందని సమాచారం. త్వరలోనే ఈ కథతో ఆమె సెట్స్ పైకి వెళుతుందని టాక్. ఇటీవలే ఓ వెబ్ సిరీస్ లో లిప్ లాక్ సీన్ కూడా చేసి ఆశ్చర్యం కలిగించింది. అయితే లాక్ డౌన్ ముందు నిత్య మరీ లావుగా ఉండేది. ప్రస్తుతం బరువు తగ్గే పనిలో పడిందట. ఇదిలా ఉండగా అమ్మడికి సోషల్ మీడియాలో మంచి ఫాలోయింగ్ కలిగిఉంది. కానీ రేర్ గా కనిపిస్తుంది.

తాజాగా వయ్యారి ఫోటోషూట్ లో పాల్గొన్నట్లుగా ఉంది. ఫోటోలు ఇంస్టాగ్రామ్ వేదికగా పోస్ట్ చేసింది. ఇక కాస్త బొద్దుగా ఉన్నా చూడటానికి ఎంతో ముద్దుగా ఉండంటున్నారు ఫ్యాన్స్. వైట్ టాప్ అండ్ జీన్స్ ప్యాంటు ధరించి చూపరులకు కిక్కిస్తుంది నిత్య. మరి అమ్మడిలో గ్లామర్ పాళ్ళు బాగానే ఉన్నాయి కానీ ఎప్పుడు కూడా బయటికి ప్రదర్శించలేదు. ఆ కర్లీ హెయిర్, ముచ్చటైన ముఖఛాయతో ఆకట్టుకుంటున్న నిత్యను చూసి ఫిదా అవుతున్నారు నెటిజన్లు. ప్రస్తుతం ఆ పిక్ నెట్టింట ఫుల్ వైరల్ అవుతోంది.