సెకండాఫ్‌ లో సెకండ్ హీరోయిన్ అయిపోయిందే

కాంచన సినిమాలో సెకండాఫ్‌ లో హీరోయిన్ నిత్యా మీనన్ ఎలా అలరించిందో తెలిసిందే. సెకండాఫ్‌ లో ఆమె చేసిన గంగ పాత్రే సినిమాకు కీలకం. అప్పట్లో అందరూ లారెన్స్ పక్కన ఈ సుందరి ఎలా ఒప్పుకుందీ అనకున్నారు కాని.. అంతకంటే పెద్ద షాక్ ఏంటంటే.. ఆమె అవిటి యువతిగా చేయడం. అద్భుతంగా పండిచేసింది. అయితే ఇప్పుడు ఈ భామ గురించి ఎందుకు గొప్పలు చెబెతున్నారు అంటారా?

అబ్బే.. ఆ తరువాత ఏం జరిగిందంటే.. సన్నాఫ్‌ సత్యమూర్తి సెకండాఫ్‌ లో నిత్యా మీనన్ ఒక సెకండ్ హీరోయిన్ రోల్ చేసింది. సూర్య 24 సినిమాలో కూడా సెకండాఫ్‌ లో సెకండ్ హీరోయిన్ పాత్రే. విక్రమ్ ఇంకొక్కకడులో కూడా అలాంటి పాత్రే. జనతా గ్యారేజ్ లో కూడా అటువంటి పాత్రే సుమీ. కట్ చేస్తే నిన్న రిలీజైన విజయ్ మెర్సాల్ సినిమాలో కూడా అమ్మడు అదే తరహాలో కనిపించింది. చూస్తుంటే అసలు లీడింగ్ హీరోయిన్ పాత్రలను మానేసి సడన్ గా నిత్యా మీనన్ సెకండ్ హీరోయిన్ పాత్రలను చేస్తున్నట్లు అనిపించడం లేదూ? లేదంటే మనోళ్లు అవే ఆమె బాగా చేస్తోంది అని ఫీలై.. అవే పాత్రలను ఇస్తున్నారా?

ఏదేమైనా కూడా అలా మొదలైంది సినిమాతో తెలుగులోకి ఎంట్రీ ఇచ్చిన నిత్యా మీనన్.. అక్కడ నుండి ఇరగదీస్తుంది అనుకున్నారు కాని.. ఆమె మాత్రం నిధానంగా అలా సెకండ్ హీరోయిన్ పాత్రలకు సెట్టయిపోయింది. చూద్దాం త్వరలో ఏమన్నా రూటు మారుస్తుందేమో.