ఇన్ఫోసిస్ ని వదిలేసి.. ఇక్కడ పడేసింది

పడేశావే అనే టైటిల్ తో కొత్త నటీనటులతో ఓ మూవీ విడుదలకు సిద్ధమవుతోంది. ఇందులో కార్తీక్ రాజు - నిత్యాశెట్టి - శామ్ హీరో హీరోయిన్లుగా నటిస్తున్నారు. అసలు సెకండ్ హీరోయిన్ అయితే.. ఎట్టి పరిస్థితుల్లోనూ యాక్ట్ చేయకూడదని అనుకున్న నిత్యాశెట్టి.. డైరెక్టర్ చునియా చెప్పిన కాన్సెప్ట్, వివరణ విన్న తర్వాత ఓకే చేసిందట.

ఈ నిత్యాశెట్టికి హీరోయిన్ గా ఇది తొలి సినిమా కానీ.. చైల్డ్ ఆర్టిస్ట్ గా 21సినిమాల్లో చేసింది. ఇంకా చెప్పాలంటే.. దేవుళ్లు చిత్రంలో పాపగా ఈమెకు బోలెడంత గుర్తింపు ఉంది. అయితే చిన్నప్పుడు అన్ని సినిమాలు చేసినా.. హీరోయిన్ అవుదామని అనుకోలేదట. అందుకే చక్కగా చదివేసి, ఇన్ఫోసిస్ లో ఉద్యోగంలో కూడా జాయిన్ అయిపోయింది. కానీ కార్పొరేట్ వరల్డ్ లో జాబ్ శాటిశ్ఫాక్షన్ దక్కక.. ఇలా మళ్లీ సినిమాల్లోకి వచ్చేశానని చెప్పింది నిత్యా శెట్టి.

మీకు నచ్చిన హీరో ఎవరంటే మాత్రం.. టక్కుమని నాగార్జున అంటోంది. అలాగే ఈ సినిమాలో ఆఫర్ రావడానికి కారణం దర్శకురాలు చునియా అని చెప్పింది. తను నాకు ముందునుంచి మంచి ఫ్రెండ్ అని చెప్పింది నిత్య. ప్రస్తుతం రాహుల్ రవీంద్రన్ తో శోభన్ బాబులోనూ - తమిళ్ లో కాదల్ కాలమ్ అనే మూవీలోనూ యాక్ట్ చేస్తున్నాని అంటోంది నిత్యాశెట్టి.