నిత్యా కోసం నాని అండ్ నితిన్!!

నిత్యా మీనన్ అంటే పరిచయం అక్కర్లేని పేరు. అందానికి అందం.. యాక్టింగుకు యాక్టింగ్‌ ఉన్న హీరోయిన్‌. అమ్మడు ఈ మధ్యకాలంలో పెద్ద హీరోల సినిమాల్లో చిన్న పాత్రలు చేస్తున్నా కూడా.. హిట్లు మాత్రం కొడుతోంది. ఇక గతంలో వచ్చిన ''ఓకె బంగారం'' సినిమా క్రేజ్ ను దృష్టిలో పెట్టుకుని ఇప్పుడు నిత్యా మీనన్ అండ్ డల్కర్ సల్మాన్‌ మలయాళంలో చేసిన '100 డేస్ ఆఫ్‌ లవ్' సినిమాను తెలుగులోకి దించుతున్నారు.

చాలా కాలంగా రిలీజ్ కోసం ఎదురు చూస్తున్న ఈ సినిమా ఆడియోను.. ఈ నెల 13న జరుపుతారట. అయితే ఈ కార్యక్రమానికి చీఫ్‌ గెస్టులుగా వచ్చేది ఎవరో తెలుసా?? 'అలా మొదలైంది' సినిమాతో సూపర్ హిట్ అందుకున్నాడు నాని. అలాగే 'ఇష్క్' సినిమాతో ఏకంగా సినిమా కెరియర్ లో లైఫ్‌ పొందాడు నితిన్‌. ఈ రెండు సినిమాల్లోనూ హీరోయిన్ ఎవరో కాదు.. మన నిత్యా మీననే. అందుకే ఇప్పుడు నాని అండ్ నితిన్‌ ఈ సినిమా ఆడియో లాంచ్ కు విచ్చేస్తున్నారు. ఈ మధ్య కాలంలో హీరోల ఫంక్షన్లకు చాలామంది హీరోయిన్లు చీఫ్‌ గెస్టులుగా వస్తున్నారు. స్నేహం కోసం అలా చేస్తున్నారులే. అయితే ఇప్పుడు హీరోయిన్‌ కోసం ఇద్దరు హ్యాపెనింగ్‌ హీరోలు రావడం మాత్రం విశేషమే.

అయితే ఈ మధ్యన డబ్బింగ్ సినిమాల ఆడియో లాంచులకు అసలు సదరు సినిమాలో చేసిన హీరోయిన్లే మొహం చాటేస్తున్నారు. ఇంతకీ ఈ ఆడియో లాంచ్ కు నిత్యా మీనన్‌ వస్తోందా?